1. Гэрэл гэгээ сайтай: саруул шөнө (тэнгэр цэлмэг, сартай шөнө), саруул тасалгаа (а. дэлгэрэнгүй...Гэрэл гэгээ сайтай тасалгаа; б. Уудам цэлгэр өрөө) - Саруул том тасалгаанд хөлгийн том загварыг байрлуулжээ. М.Чойжил. Андын нутаг алсдахгүй., сар саруул (сарны гэрэл сайн, гэгээтэй шөнө), гэгээн саруул [хоршоо] (гэрэл гэгээ сайтай), саруул тунгалаг [хоршоо] (а. Гэрэл гэгээтэй; б. [шилжсэн] Сэргэлэн цовоо, эрүүл энх; в. [шилжсэн] Амьд сэрүүн);
2. Уудам, тэнэгэр:
саруул тал (өргөн уудам, цэлгэр тал) -
дэлгэрэнгүй... Саруул талаа харахад санааны үзүүр сэвэлзэнэ. “Цог” сэтгүүл., уудам саруул (уудам цэлгэр), саруул тал байна гээд саадыг нь мэдэхгүй бүү давхи, сайн хүн байна гээд санааг нь мэдэлгүй бүү итгэ [зүйр цэцэн үг] (аливаа зүйлийн мөн чанарыг таниагүй байж гоомой бүү хөдөл гэсэн санаа);
3. [шилжсэн] Уужуу тайвуу, амгалан -
Дотор саруул болов. И.Дамбажав. Монгол үгийн дээж;
4. [шилжсэн] Ухаан санаа тунгалаг, бодож сэтгэхдээ гүн:
саруул ухаан (оюун ухаан хурц соргог),
дэлгэрэнгүй...саруул ухаантан (цэцэн мэргэн хүн) - Алтан бумбат рашааныг саруул ухаантнууд хүртэнэ. Д.Равжаа. Зохиолын эмхэтгэл., саруул эрдмээр санаснаа бүтээнэ, ухаан эрдмээр угсаагаа мандуулна [зүйр цэцэн үг] (эрдэм мэдлэг, оюун билиг эрхэм гэсэн санаа), саруул ухаанаас илүү сайн нөхөр үгүй, мунхаг хилэнгээс илүү муу дайсан үгүй [зүйр цэцэн үг] (а. Оюун ухаан эрхэм; б. Уурын мунхаг хэцүү гэсэн санаа);
5. Эрүүл энх -
Эрүүл саруул царайд нь баяр баясгалангийн охь хуран цуглараад дуу алдах хүсэл төрж явна. Л.Түдэв. Нүүдэл., эрүүл саруул [хоршоо] (өвчин эмгэггүй эрүүл),
эрүүл биед саруул ухаан оршино [зүйр цэцэн үг] (хүний бие эрүүл бол цог жавхаатай, оюун ухаан хурц байдаг, эрүүл чийрэг байхыг эрхэмлэ гэсэн санаа).