1. Нэхмэлийн суурь машин болон гар аргаар тууш хөндлөн сүлжиж бэлтгэдэг нэгэн зүйл нэхмэл бөс: дэлгэрэнгүй...ёрог даавуу (а. Сулхан нэхээстэй даавуу; б. Хуучирч өгөрсөн даавуу), гэрийн даавуу (гэрийн гадуур бүрэх бүрээс даавуу), дээлийн даавуу (дээл хийх даавуу) - Их ёс төртэй ирж, Пагма эмгэнд дээлийн даавуу, хүргэн ахын хоёр хүүд нэг нэг бяруу бэлэглээд, эхээс нь салгах гэж байна гэж муугаар бүү бодогтун, ганц үрийнхээ мах цусны тасархайг хэд хоног боловч хажуудаа байлгаж, эмтэрч хатсан элэг зүрхээ дэвтээе гэсэн юм. С. Эрдэнэ. Өдрийн од., ноосон даавуу (ноосон утсаар нэхсэн даавуу), өрөөл даавуу (бүтний хугас даавуу, ам дөрвөлжний тал даавуу) - Өөрийн хийсэн өөртөө зөв, өрөөл даавуу өмдөндөө зөв. ААЗ., толгой даавуу (нэг боодол даавуу) - Замын хэрэглэл гэж хоёр толгой даавуу, нэг бага хүүдий, цагаан будаа авав. С.Буяннэмэх. Түүвэр зохиол., шандан даавуу (энгээр нь дөрвөлжилсөн даавуу) - Хурга ишигнээс өгсүүлээд, ээрүүл утас, шандан даавуу бас ишиг хурганы арьс бэлгэнд өгч хоёр хөгшин овоо юмтай болжээ. С.Удвал. Их хувь заяа., эрээн даавуу (өнгө өнгийн утсаар нэхсэн даавуу) - Ногоон сатин дээлийнхээ ханцуйг сугалдрагалан, бүсэндээ хавчуулаад, бухаар савхи өмсөж, толгойдоо эрээн даавуу зангиджээ. Ш. Гаадамба. Элбэг дээл., ян даавуу (хөвөнгөөр нэхэж хийсэн маш нимгэн, зөөлөн бус бараа), даавууны өөдөс (даавууны жижиг тасам, тасархай) - Их овоонд адууны дэл сүүлний хялгас, бүс даавууны өөдөс уясан саваа хатгажээ. С. Эрдэнэ. Хорьдол сарьдгийн дуулал., даавуу шаавуу ~ даавуу шуувуу [хоршоо] (бөс даавууны ерөнхий нэр) - Даавуу шуувууны төрлийн юм тун ч хомс. Б.Нямаа. Арандалынхан., даалимба даавуу [хоршоо] (эгэл жирийн бөс);
2. Даавуугаар хийсэн эдлэл, хувцас:
даавуу майхан (даавуугаар хийсэн майхан)
дэлгэрэнгүй... - Дангийн даавуу майхан, даваан дээр дэрвээд байна, хийсээд байна. Ардын аман зохиол., даавуу бүс (дурдан, торго зэрэг гоё сайхан бөсөөр хийсэн бүс) - Тэр шүлгээ чангаар уншиж байтал гэрийн үүд алгуурхан нээгдэж, өнгө нь гандаж, цайсан улаан хүрэн юүдэн малгайтай, хуучин даалимбуу дээл дээр нарийхан даавуу бүс бүсэлсэн, хижээлдүү насны эмэгтэй орж ирлээ. П. Хорлоо. Багш., даавуу бээлий (хөвөн зулаагүй дан даавуун бээлий), орны даавуу (ор хөнжлийн цагаан хэрэглэл) - Сэртэвийг ийнхүү гав ганцаар уйтгарлан эргэж хөрвөж, хэвттэл өрөөний хаалга сэвхийн нээгдэж, сувилагч цэрэг орны даавуу, дэрний уут бариад орж ирлээ. Ш.Цэен-Ойдов. Дахин дэлгэрсэн Яргуй., хөнжлийн даавуу (хөнжил хийх даавуу, хөнжлийн гадуурх углаа; танз) - Янжмааг “Ээжээ, ээжээ!” гэж адган орилж, ээжээ шалнаас өндийлгөх гэж ноцолдох зуур нөгчөгчийн хөнжлийн даавуу Хандмаагийн нүдэн тушаа газар ов тов норон барайлаа. Д. Урианхай. Голын салаа гольдрилоо дагадаг..., цамцны даавуу (цамц хийхээр тусгайлан бэлтгэсэн даавуу) - Тэр хүн бор даавуу хувцастай, толгой нүцгэн бөгөөд хонгор шар үстэй ажээ. Ж.Дамдин. Миний Монгол.
