1. Муруй хазгайгүй, цэх: шулуун жагсах (тэгшхэн жагсан зогсох) - дэлгэрэнгүй...Савхин гуталтай, үсээ авхуулсан цэргүүд, тэгш шулуун жагсаад зогсож байлаа. Д.Гонгор нар. Д.Сүхбаатарын тухай дурдатгалууд., шулуун зам (цэх зам), шулуун зогсох (цэх зогсох), шулуун хамар (тэгшхэн хамар) - Хүүхний амьсгалд шулуун хамрын нь нүх мэдэгдэх төдий сарталзаж, чээж нь хөнгөнөөр оволзож байсныг ажигласангүй. Д.Маам. Тэмээний дууль., шулуун шугам (муруй биш шугам), цэх шулуун [хоршоо] (эгц шулуун) - Яльгүй зузаавтар уруултай, нуруулаг цэх шулуун биетэй, тайрмал хар үстэй энэ бүсгүйд залуугийн сэтгэл алдрав. С.Лочин. сэтгэлийн өнгө;
2. Хүний шударга, төвшин зан байдал:
шулуун үг (а. Шийдэмгий; б. Шударга үг),
шулуун хэлэх (шууд хэлэх) -
дэлгэрэнгүй...Ийм хүнд санаснаа шулуун хэлээд үзье байз гэж залан бодолхийлэн цай аягалаад барив. Ж.Пүрэв. Гурван зангилаа., шулуун шударга [хоршоо] (зарчимтай, гуйвшгүй зан чанар), шударга шулуун [хоршоо] (зарчимтай, гуйвшгүй зан чанар), шулуун шударга зантай хүн (шударга, эрс шийдэмгий зантай хүн) - Гэтэл барилгын суурь ухаж эхлэхэд, хөдөлмөр гэгч шулуун шударга, агуу хүчит зүйл өнөөх залуучуудыг, энэ нь ийм, тэр нь тийм гээд л ялгаад өглөө. Л.Түдэв. Нүүдэл., эрс шулуун зан (гуйвалтгүй шийдэмгий зан) - Түүний эрс шулуун зан, хүнийг хайрлан туслаач чанар анчны их авьяасанд нь бахархдаг байсан хэрэг биз. Ж.Дамдин. Миний монгол., шулуун явах (чигээрээ явах), нялуунаас шулуун дээр, нялцгайгаас агшуун дээр [зүйр цэцэн үг] (аливаа зүйлийн эрс, шууд нь дээр гэсэн санаа);
3. Эд зүйлийн элдэв өнгө хээнцэргүй, нугалаагүй:
шулуун торго (ар гаргаагүй торго),
шулуун хийцтэй (нугалаа хуниас,
дэлгэрэнгүй...элдэв чамин хийцгүй), шулуун эд (эрээн мяраангүй төв эд), шулуун гэдэс (бүдүүн гэдэсний төгсгөлийн хэсэг).
