1. Хүмүүсийн хоорондоо санаа нийлэхгүй харилцан үгээр тэмцэлдэх, хэрүүл хийх - дэлгэрэнгүй...Айлын хүнтэй хэрэлдэж, царай нь нэгэн үе зэвхийрч цайн, нэгэн үе улаа бутарна. С.Лочин. Сэтгэлийн өнгө., хоёр хүн хэрэлдэх (хоёр хүн хоорондоо санаа зөрөн уурлаж маргалдах), хэрэлдэх цуугих [хоршоо] (олуул шуугин маргалдах), хэрэлдэхдээ цэцэн, хийхдээ мунхаг [зүйр цэцэн үг] (ажилд муу гэсэн санаа), хэрэлдсээр байгаад хэтийнхээ жаргалыг барах [зүйр цэцэн үг] (хэрүүлтэй газраас хишиг зайлдаг гэсэн санаа);
2. Зарим амьтны хоорондоо ноцолдох:
нохой хэрэлдэх (нохой хоорондоо архиралдан ноцолдох) -
дэлгэрэнгүй...Ноёд хэрэлдсэн газар заргатай, нохой хэрэлдсэн газар улайтай. Ардын аман зохиолын дээж., тахиа хэрэлдэх (тахиа бие биеэ тонших);
3. [шилжсэн] Урт юмны хоорондоо орооцолдох:
утас хэрэлдэх (урт утас орооцолдох).