I  

1. Нэгтгэх, хамтатгах: зорилгоо нийлүүлэх (санаа бодлоо нэгтгэх),дэлгэрэнгүй... хүчээ нийлүүлэх (хүч чадлаа н‎эгтгэн нэгэн зэрэг гаргах, хамт зүтгэх) - Хүчээ нийлүүлэн, зорилгоо нэгтгэхийг зөв гэлцлээ. С.Дашдэндэв. Улаан наран., зуузай нийлүүлэх (аянд замд хамт явах), хаяа нийлүүлэх (айл буух), хоолой нийлүүлэх (олуулаа хөг нийлүүлэн дуулах) - Жаахан халамцахдаа л энэ дууг хоолой нийлүүлэн жимбүүрдэж гарна. С.Эрдэнэ. Зүүдний цагаан унага., хөг нийлүүлэх (нэг зэрэг, нэг өнгөөр дуугарах) - Жаа гэж хөг нийлүүлэн давтлаа. Ч.Лодойдамба. Тунгалаг Тамир; хөл нийлүүлэх (бүгд жигд алхах), хувь нийлүүлэх (тус тусын оногдох хувийг нэгтгэн хоршоо байгуулах), саах нийлүүлэх (зун цагт саалийн бог малаа саахалт айлын хоньтой хамтад нь бэлчээх), *толгой нийлүүлэх (үй зайгүй дотносох), *дэр нийлүүлэх (гэрлэх) - Заяа буян нь тохирсон юмтай нийлүүлэхийг бодвол дээр биш үү гэж Должин нэг удаа зориг гарган... хэлэв. Ч.Лодойдамба. Тунгалаг Тамир;

---

2. Зохицуулах, тааруулах: овоо хараа нийлүүлэх (овоо харааг тааруулах), малаа улиралд нийлүүлэн адуулах (малаа дэлгэрэнгүй...улирлын байдалд тохируулан хариулах) - Энэ таван хошуу малаа дөрвөн цагийн улиралд нийлүүлэн адуулж, хамгаалж чадсаар ирсэн түүхт сайн туршлагатнууд олон байна. С.Буяннэмэх. Түүвэр зохиол;

---

3. Тулган нягтлуулах: данс нийлүүлэх (данс тулгах, данс шалгаж үзэх), нийлүүлэн шалгах (тулган шалгах);

---

4. Ямар нэг зүйлийг эрхлэн гүйцэтгэх: алх дөш нийлүүлэх (дархны ажил эрхлэх), ацаг шүд нийлүүлэх (бичиг бичих), дэлгэрэнгүй...бийр янтай нийлүүлэх (зохиол бүтээл туурвих);

---

5. [шилжсэн] Алба залгуулах, төвлөрүүл‎эх, бэлтгэн хангах: арьс шир нийлүүлэх (арьс шир тушаах), дэлгэрэнгүй...сүү нийлүүлэх (сүү тушаах), хоол хүнс нийлүүлэх (хоол хүнсний зүйл бэлтгэж өгөх) - Бидэнд агт ачлага хоол унд нийлүүлэх хэрэгтэй гэж тушаав. С.Дашдэндэв. Улаан наран., нийлүүлэх гэрээ [хуучирсан] (худалдах ба худалдан авах зэрэгт хоёр этгээд харилцан байгуулах албан бичиг);

---

6. [шилжсэн] Бялдуучлан зусардах: таалалд нь нийлүүлэх (сэтгэлд нь тааруулахыг хичээх).

---

• зорилгоо нийлүүлэх - санаа бодлоо нэгтгэх
• хүчээ нийлүүлэх - хүч чадлаа нэгтгэн нэгэн зэрэг гаргах, хамт зүтгэх
• зуузай нийлүүлэх - аянд замд хамт явах
• хаяа нийлүүлэх - айл буух
• хоолой нийлүүлэх - олуулаа хөг нийлүүлэн дуулах
• хөг нийлүүлэх - нэг зэрэг, нэг өнгөөр дуугарах
• хөл нийлүүлэх - бүгд жигд алхах
• хувь нийлүүлэх - тус тусын оногдох хувийг нэгтгэн хоршоо байгуулах
• саах нийлүүлэх - зун цагт саалийн бог малаа саахалт айлын хоньтой хамтад нь бэлчээх
• толгой нийлүүлэх - үй зайгүй дотносох
... үргэлжлүүлэн харах ...
дэр нийлүүлэх - гэрлэх
овоо хараа нийлүүлэх - овоо харааг тааруулах
малаа улиралд нийлүүлэн адуулах - малаа улирлын байдалд тохируулан хариулах
данс нийлүүлэх - данс тулгах, данс шалгаж үзэх
нийлүүлэн шалгах - тулган шалгах
алх дөш нийлүүлэх - дархны ажил эрхлэх
ацаг шүд нийлүүлэх - бичиг бичих
бийр янтай нийлүүлэх - зохиол бүтээл туурвих
арьс шир нийлүүлэх - арьс шир тушаах
сүү нийлүүлэх - сүү тушаах
хоол хүнс нийлүүлэх - хоол хүнсний зүйл бэлтгэж өгөх
нийлүүлэх гэрээ - худалдах ба худалдан авах зэрэгт хоёр этгээд харилцан байгуулах албан бичиг
таалалд нь нийлүүлэх - сэтгэлд нь тааруулахыг хичээх

---

Ижил үг

Холбогдох зураг одоогоор алга байна.