ТЭЭГЛЭХ  

1. Тээгээр торгоох, тогтоох: тээгээр тээглэх (тээгээр торгоох);

---

2. Торох, саад болох: хоолойд юм тээглэх (а. Хоолойд юм торох; б. [шилжсэн] Үг хэлж чадахгүй болох) -дэлгэрэнгүй... Өөрийн эрхгүй тэр зүг харвал үнэхээр мөн байсанд сэтгэл нь харанхуйлан, хоолой дээр нь ямар нэгэн юм тээглэн шүлс ч залгиж болохгүй болчих шиг болов. Д.Батбаяр. Цахилж яваа гөрөөс., хадаасанд тээглэх (юм хадаасанд торох, хадаас саад болох), торох тээглэх [хоршоо] (ямар нэгэн юманд тулж саад болох) - Торох тээглэх бартаагүй довтлон давхих машины мотор хүнгэнэж баяр хөөр болон яваа бид сэтгэл дүүрэн инээлдэнэ. Ж.Дамдин. Миний монгол;

---

3. Замд саад болох - Би дөрөөгөөрөө модонд тээглэж, нүүрээ мөчирт чавхдуулж яаран бачимдан дагаж явлаа. С.Эрдэнэ. Хонгор зул., хөлд тээглэх (хөлд саад болох, тээр болох), торох тээглэх [хоршоо] (явах хөдлөхөд саад болох, тээг болох);

---

4. [шилжсэн] Бусдын хариуд хэлэх үггүй болох: хэлэх гэсэн үг чээжинд тээглэх (хэлэх гэсэн үгээ хэлж чадахгүй болох).

---

• тээгээр тээглэх - тээгээр торгоох
• хоолойд юм тээглэх - а. Хоолойд юм торох; б. [шилжсэн] Үг хэлж чадахгүй болох
• хадаасанд тээглэх - юм хадаасанд торох, хадаас саад болох
• торох тээглэх - ямар нэгэн юманд тулж саад болох
• хөлд тээглэх - хөлд саад болох, тээр болох
• торох тээглэх - явах хөдлөхөд саад болох, тээг болох
• хэлэх гэсэн үг цээжинд тээглэх - хэлэх гэсэн үгээ хэлж чадахгүй болох

Холбогдох зураг одоогоор алга байна.