ТЭНИЙЛГЭХ  

1. Атирсан, үрчийсэн зүйлийг тэнэгэр болгох, дэлгэх - дэлгэрэнгүй...Хонгионы дотор хуйлж хийсэн бичгийг тэнийлгэн, салганасан гараар их л хичээж бичсэн үгнүүдийг уншлаа. Ж.Дамдин. Үймээний жил., арьс тэнийлгэх (арьс татаж дэлгэх), уушгиа тэнийлгэх (гүнзгий амьсгаа авч санаа сэтгэлээ тайвшруулах) - Биеийн үе мөч үнэхээр тавигдан, гар өргөн суниагууштай санагдаж байвч “суниаваас сурсан юм сугаар тарчихдаг” юм гэж багшийнхаа хорьдог байсныг санан зөвхөн их амьсгаа авч уушгиа тэнийлгэв. Д.Намдаг. Цаг төрийн үймээн;

---

2. Атийсан, бохирсон зүйлийг шулуун болгох - Би мориныхоо хөлийг тэнийлгэж, эмээл хазаарыг нь салгаад, аятайхан засаж хэвтүүллээ. дэлгэрэнгүй...style="font-size: 10px;">Ж.Дамдин. Үймээний жил., гараа тэнийлгэх (гараа дэлгэх), нуруугаа тэнийлгэх (а. Нуруугаа цэх болгох; б. [шилжсэн] Амрах), хөлөө тэнийлгэх (хөлөө шулуун болгох), биеэ тэнийлгэх (нуруугаа цэхлэн, хөл гараа дэлгэх), *үе мөчөө тэнийлгэх (а. Хөл, гараа дэлгэх; б. [шилжсэн] Амрах, биеийн чилээ гаргах) - Аав ээж хоёр нь гүйцэд тэнхрээгүй биеэ ална гэж хоригловч хэвтсээр байгаад бохирч хөшсөн үе мөчөө тэнийлгэж, хээрийн салхинд олны дуулианд явж хийморио сэргээе гэсээр байгаад гарсан хэрэг. С.Эрдэнэ. Түймэр., *борви тэнийлгэх (биеийн чилээг гаргах) - Данзан сэтгэл ихэд хөдлөн жингийнхээ сүүлээс хөлийн дөрөөг борви тэнийлгэн босон харав. Д.Намдаг. Цаг төрийн үймээн., *гар тэнийлгэх (бусдад юм өгөх), *гар тэнийлгэж үзээгүй (харамч).

---

• арьс тэнийлгэх - арьс татаж дэлгэх
• уушгиа тэнийлгэх - гүнзгий амьсгаа авч санаа сэтгэлээ тайвшруулах
• гараа тэнийлгэх - гараа дэлгэх
• нуруугаа тэнийлгэх - а. Нуруугаа цэх болгох; б. [шилжсэн] Амрах
• хөлөө тэнийлгэх - хөлөө шулуун болгох
• биеэ тэнийлгэх - нуруугаа цэхлэн, хөл гараа дэлгэх
• үе мөчөө тэнийлгэх - а. Хөл, гараа дэлгэх; б. [шилжсэн] Амрах, биеийн чилээ гаргах
• борви тэнийлгэх - биеийн чилээг гаргах
• гар тэнийлгэх - бусдад юм өгөх
• гар тэнийлгэж үзээгүй - харамч

Холбогдох зураг одоогоор алга байна.