ТУГ I  

1. Тусгай ишинд ямар нэг өнгийн бөс уяж намиран хийсгэх тэмдэг - дэлгэрэнгүй...Энэ туг ард түмэнд олгосон эрх чөлөөний бэлгэ тэмдэг болж улам бадран намирсаар үлджээ. Н.Батбаяр. Өндөрт хатгасан туг., есөн хөлт цагаан туг (төрийн хүндэтгэлийн туг), хараа ихт хар туг (дайны туг), улсын туг (улсын бэлгэ тэмдэг), туг барих (туг хийсгэн явах, тугийн ишээс барин явах), туг хатгах (туг мандуулах, туг босгох), туг хийсгэх (тугийг салхины аясаар хөдөлгөх), туг тайх [хуучирсан] (а. Дайсныг дарсны дараа жанжин тэргүүлэн бүх цэргүүд тугт мөргөх; б. Дайснаас олзлогдсон хүнийг тугийн өмнө хороох), жанжин туг (цэргийн гол туг), ялалтын туг босгох (ялан дийлснээ илтгэсэн туг өргөх), тугийн занги [хуучирсан] (тугийн захирагч), тугийн залаа (тугийн цацаг), тугийн манжлага (тугийн унжлага), туг далбаа [хоршоо] (а. Том хэмжээний туг; б. Төр, улсын бэлгэ тэмдэг бүхий далбаа) - Гамин цэргийн туг далбаа хиур дарцгийг монголчууд сэм урж тасдав. А.Дашням. Өлзийнарангийн өчил., туг дарцаг [хоршоо] (том, жижиг туг), туг сүлд [хоршоо] (сүлд, аз хийморийн бэлгэдэл) - Хээр азарганы чинь туг хөхлөөр гөрж хийсэн туг сүлд чину. Чингис хааны билиг., туг хиур [хоршoo] (жижиг дарцаг) - Олон туг хиурыг хатгаж бүтээн төгсгөв. Замлин Сэнчиний намтар оршив., туг тэмдэг [хоршоо] (бэлгэ тэмдэг бүхий туг далбаа) - Цаад этгээдэд өөрийн улсын туг тэмдэг байхыг үзээд их баярлан довтлон хүрч ирэв. В.Инжаннаши. Хөх судар;

---

2. [шилжсэн] Удирдлага, сургаал: нэг тугийн дор (нэг удирдлагад, хамтдаа);

---

3. [шилжсэн] Сод, тэргүүн: туг нь болох (манлайлагч болох, тэргүүлэгч болох).

---

• есөн хөлт цагаан туг - төрийн хүндэтгэлийн туг
• хараа ихт хар туг - дайны туг
• улсын туг - улсын бэлгэ тэмдэг
• туг барих - туг хийсгэн явах, тугийн ишээс барин явах
• туг хатгах - туг мандуулах, туг босгох
• туг хийсгэх - тугийг салхины аясаар хөдөлгөх
• туг тайх - а. Дайсныг дарсны дараа жанжин тэргүүлэн бүх цэргүүд тугт мөргөх; б. Дайснаас олзлогдсон хүнийг тугийн өмнө хороох
• жанжин туг - цэргийн гол туг
• ялалтын туг босгох - ялан дийлснээ илтгэсэн туг өргөх
• тугийн занги - тугийн захирагч
... үргэлжлүүлэн харах ...
тугийн залаа - тугийн цацаг
тугийн манжлага - тугийн унжлага
туг далбаа - а. Том хэмжээний туг; б. Төр, улсын бэлгэ тэмдэг бүхий далбаа
туг дарцаг - том, жижиг туг
туг сүлд - сүлд, аз хийморийн бэлгэдэл
туг хиур - жижиг дарцаг
туг тэмдэг - бэлгэ тэмдэг бүхий туг далбаа
нэг тугийн дор - нэг удирдлагад, хамтдаа
туг нь болох - манлайлагч болох, тэргүүлэгч болох

---

Ижил үг

ТУГ II

ТУГ III:

Холбогдох зураг одоогоор алга байна.