ТАМТАГ  

1. Бүтэн юмны элж элэгдэж, урагдаж зэмдэг болсон оронцог - дэлгэрэнгүй...Тасдаж аваад татаж үнгээд тамтаг болгоод тамлах гээгүй. Ж.Бадраа. Уяхан хорвоон хань., тамтаг болох (ямар нэг зүйлээс ор нэр төдий юм үлдэх), дээлийн тамтаг (дээл гэж хэлэхэд хэцүү урагдаж салбарсан юм) - Гэтэл суваргын ёроолд дахь хамуутай хоёр нохойн дунд тамтаг болсон нэхий дээл, шар эсгий хөглөрөн хэвтсэний дотроос хүний өрөөсөн хөл цухуйж харагдав. Д.Намдаг. Цаг төрийн үймээн., гэрийн бүрээсний тамтаг (гэрийн бүрээснээс урагдаж, элэгдэж үлдсэн хэсэг), малгайн тамтаг (урагдаж ноороод малгай төдий болсон зүйл); тамтаг зэмдэг [хоршоо] (юмны урагдаж элэгдсэн байдал), тамтаг тасархай [хоршоо] (уранхай ноорхой, навтархай салбархай) - Тамтаг тасархай нь ганц нэг дайралдаж байсан. Б.Ринчен. Марк Твений минь махыг идэж дээ., танаг тамтаг [хоршоо] (юмны сайн муу байдал, яс чанар), тамтаг нь зарц нарт, тарган нь эздэд [зүйр цэцэн үг] (баян хоосны ялгаа их гэсэн санаа);

---

2. [шилжсэн] Хүн, малын бие ядарч доройтсон байдал - Бие гэдэг бүр тамтаг болжээ. Ц.Норжин нар. Монгол хэлний дэлгэрэнгүй...толь.

---

• тамтаг болох - ямар нэг зүйлээс ор нэр төдий юм үлдэх
• дээлийн тамтаг - дээл гэж хэлэхэд хэцүү урагдаж салбарсан юм
• гэрийн бүрээсний тамтаг - гэрийн бүрээснээс урагдаж, элэгдэж үлдсэн хэсэг
• малгайн тамтаг - урагдаж ноороод малгай төдий болсон зүйл
• тамтаг зэмдэг - юмны урагдаж элэгдсэн байдал
• тамтаг тасархай - уранхай ноорхой, навтархай салбархай
• танаг тамтаг - юмны сайн муу байдал, яс чанар
• тамтаг нь зарц нарт тарган нь эздэд - баян хоосны ялгаа их гэсэн санаа

Холбогдох зураг одоогоор алга байна.