СУНАХ  

1. Гадны нөлөөгөөр татагдан урт, өргөн болох - дэлгэрэнгүй...Өвгөн урт сахлаа базаж, эрүүнийхээ үрчгэр арьсыг сунатал чангаав. Б.Нямаа. Арандалынхан., хүзүү нь сунах (хүзүү нь урт болох), шөрмөс сунах (эвгүй гишгэж, алхсанаас шөрмөс татагдан урт болох), сунадаг дуран (урт болон сунаж, буцаж эвхэгддэг дуран) - Сурсан зангаараа өврөөсөө сунадаг дуран гаргаж алсыг тойруулан дурандав. С.Лочин. Газрын дуун., агших сунах [хоршоо] (уян юмны урт, богино болох) - Зүрхний хөдөлж сунах агших нь, их бага болох нь үзэгдэнэ. Д.Нацагдорж. Далдыг үзэгч., эр хүн өсөж, эсгий сунах [зүйр цэцэн үг] (эр хүнийг бага гэж басах хэрэггүй гэсэн санаа);

---

2. Биеийн уртаар хэвтэх - Чононууд дэвсэг өөд их л залхуутайяа цуван гараад удаж түдсэнгүй нээрээ л сунаад сунаад, унаад унаад өгчээ. дэлгэрэнгүй...style="font-size: 10px;">Б.Бааст. Алтайн хөх дөнөн., сунан ойчих (уртаараа тэрийн ойчих) - Алгаа хавсран наманчлаад шороон дунд няр хийтэл сунан ойчлоо. Л.Түдэв. Алтан гадас чийгийг заана., сунаж мөргөх (газар хэвтэж мөргөл үйлдэх) - Дандаа сунаж мөргөөд орох хэрэг үү? Л.Түдэв. Алтан гадас чигийг заана;

---

3. Унжих: дээлийн ташаа сунах (дээлийн ташаа унжих);

---

4. Цаг хугацаа сунжрах - Өнөөг өнгөрүүлж маргаашийг баран сунжирч сунасан өдөр хоногийг тоолсоор эдүгээ дөчин өдрийг авчээ. дэлгэрэнгүй...style="font-size: 10px;">З.Баттулга. Уяхан замбуутив;

---

5. [шилжсэн] Хол харайн давхих - Хээр алаг морь чадлаараа сунаж, улаан үнэг хэрээрээ сунаж байв. Яриа., дэлгэрэнгүй...сунаж ойчтолоо ажиллах (ядарч унатлаа ажил хийх), сунадаг саарал [цээрлэсэн] (чонын цээр нэр).

---

• хүзүү нь сунах - хүзүү нь урт болох
• шөрмөс сунах - эвгүй гишгэж, алхсанаас шөрмөс татагдан урт болох
• сунадаг дуран - урт болон сунаж, буцаж эвхэгддэг дуран
• агших сунах - уян юмны урт, богино болох
• эр хүн өсөж, эсгий сунах - эр хүнийг бага гэж басах хэрэггүй гэсэн санаа
• сунан ойчих - уртаараа тэрийн ойчих
• сунаж мөргөх - газар хэвтэж мөргөл үйлдэх
• дээлийн ташаа сунах - дээлийн ташаа унжих
• сунаж ойчтолоо ажиллах - ядарч унатлаа ажил хийх
• сунадаг саарал - чонын цээр нэр

Холбогдох зураг одоогоор алга байна.