1. Сайн чанар бүхий: зан сайтай (ааш эелдэг, нийцтэй) - Тэр бол здэлгэрэнгүй...ан сайтай, өрөвч сэтгэлтэй хөдөө газрын хөнгөн цагаан сэтгэлтэй эмэгтэй байсан. П.Хорлоо. Багш., мөс сайтай хүн (ханилгаатай, хүн чанар сайн) - Цаад хүн чинь хүний мөс сайтай ухамсартай хүн байгаа юм. С.Лочин нар. Галтай залуу нас., сурлага сайтай (хичээлд номдоо сайн) - Сурлага сайтай охин байсан юм гэнэ лээ. П.Хорлоо. Багш., нүд сайтай (хараа хурц) - Та нар нүд сайтайгаараа сайн харахгүй юу гэж өвгөн... хэллээ. Ж.Дамдин. Миний монгол., ой сайтай (ой тогтоолт сайн, хурц ухаантай) - Олон ястны хэлийг мэддэг, аравтын дарга нарыг хүртэл нэг хараад нэрийг нь мартдаггүй ой сайтай бас ч төлөв томоо бүхий хашир хүн билээ. С.Удвал. Их хувь заяа., санаа сайтай (хар буруу санаагүй, ариун шударга) - Хүнд тусч, санаа сайтай тэр залуу бодогдоод байдаг болжээ. Ч.Чимид. Хавар намар., сэтгэл сайтай (цагаан цайлган, тусархуу сэтгэлтэй) - Тэр сэтгэл сайтай хүн билээ. С.Удвал. Их хувь заяа., хаяа сайтай (айл буухад түшигтэй) - Хоёр гурван бодтой, хэдэн хоньтой болж хаяа сайтай айлыг түшсээр... хэдэн малтай болов гэж баярладаг бөлгөө. Ц.Дамдинсүрэн. Гологдсон хүүхэн., хүн сайтай (нөхөрсөг тусч, ханилгаатай) - Чамайг хүн сайтай, томоотой сайн хүн гэж дуулсан. С.Дашдэндэв. Улаан наран., чанар сайтай (чанартай) - Шандас сайн морь унаж, “эр хар” гэж хуучны чанар сайтай эдээр хийсэн цуваа өмсөөд давхиулан одлоо. Л.Түдэв. Нүүдэл., өнгө сайтай (өнгө зүс сайн, өнгөлөг), *ам сайтай (хэн нэгэн бусдыг магтан сайшааж ярих нь);
2. Тухайн зүйлээр элбэг дэлбэг байдал бүхий:
зуншлага сайтай (өвс ногоо, хур бороо жигдэрсэн) -
дэлгэрэнгүй...Хонь, ямаан сүрэг нь зуншлага сайтай бол зуны тэргүүн сарын хуучаар ерөнхийдөө ногоонд гүйцэд цадна. Ж.Самбуу. Мал маллагааны арга туршлага., бөх сайтай (сайн бөх олонтой) - Манай хавийн хэдэн хошуу нутаг хэзээнээс бөх сайтай гэж халх даяар гайхуулж ирлээ. С.Удвал. Их хувь заяа., бүл сайтай (ам бүл олуулаа) - Хөдөө бүл сайтай тул, Банзар гэр хашаагаа эзэмшиж хотод суудаг. Ц.Дамдинсүрэн. Түүвэр зохиол., өвс сайтай (өвс, ургамал элбэг) - Манай тэнд өвс сайтай, хүн малын цастай сайхан байна. П.Хорлоо. Багш., ургац сайтай (өвс ногооны ургац арвин) - Жилийн жилд ургац сайтай байдаг нөмөр хорго ихтэй газар. С.Лочин нар. Галтай залуу нас., үс ноос сайтай (үс ноос ихтэй) - Дамбын мал үс ноос сайтайд нь Загдын эхнэр хорхой хөдөлжээ. Л.Түдэв. Нүүдэл., тэжээл сайтай (шим тэжээл ихтэй) - Ингэхэд ногоо гэгч маханд арвитайгаар барахгүй тэжээл сайтай... сайн чанарын зүйл ихтэй байдаг даа. Л.Түдэв. Нүүдэл., шүүс сайтай (шим шүлт арвин, их) - Зуны дунд үеэс тэмээг... шүүс сайтай ургамал бүхий... бэлчээрт хариулбал зохино. Ж.Самбуу. Мал маллагааны арга туршлага., сүү сайтай (сүү ихтэй), хангамж сайтай (хэрэгцээт зүйлсээр бүрэн хангагддаг).
