1. Хүн, амьтны үс ноос ихтэй, өтгөн, сэгсгэр байдал: сагсгар дэл (өтгөн саглагар дэл) - дэлгэрэнгүй...Сагсгар дэлийг нь сумлан засаж, сайхан тоногтой эмээл тохно. Б.Жамц. Сэтгэлийн нууц., сагсгар сүүлтэй нохой (өтгөн сүүлтэй нохой) - Сагсгар сүүлтэй хар нохой дайрч хойд хормойг нь хүү татжээ. Ч.Лувсанжав. Дамдины бага хүү., сагсгар үс (өтгөн их үс), сагсгар хурган малгай (ноос ихтэй хурганы арьсаар хийсэн малгай) - Сагсгар хурган малгайтай дарга нар толгойлсон тэр цуваа хоёр зуу гаруй хүнтэй аж. Н.Батбаяр. Өндөрт хатгасан туг.,
2. Мод, бургас зэргийн навч нахиа, мөчир салаа ихтэй байдал:
сагсгар мод (мөчир салаа ихтэй мод),
дэлгэрэнгүй...сагсгар бургас (навч намиа ихтэй бургас) - Туул голын цан хүүрэг нэвсэрсэн сагсгар бургасны мөчир бүрийг тоолох адил нүд тогтоон ажиглаж явав. Т.Дэчингунгаа. Өөдрөг зам., сагсгар модны салаа олон, салан эмийн өөдөс олон [зүйр цэцэн үг] (мөчир, навч ихтэй мод саглагар байдаг, үйл үртэст муу бүсгүй гологдол их гаргадаг гэсэн санаа), сагсгар мод уулын чимэг, сайхан хүүхэн гэрийн чимэг [зүйр цэцэн үг] (мөчир салаа ихтэй модтой уул сайхан харагддаг бол сайхан бүсгүй гэрийнхээ чимэг болдог гэсэн санаа).