СААД I
1. Ямар нэг үйлийг гүйцэтгэхэд тохиолдох бэрхшээл, тотгор - дэлгэрэнгүй... саад болох (саад учруулах) - Баруун гараа тосож, гуйлга гуйхад нь хүүхэд нь их саад болж байв. Д.Маам. Тэмээний дууль., саад хийх (тухайн зүйлийг хийхэд ямар нэгэн бэрхшээл, түвэг учруулах) - Талын шумуул гэрээр дүүрэн жингэнэлдэж эрчүүлийн наргиан, яриа хөөрөөнд нь саад хийхэд Буянцай тулган дотор май тавив. Б.Нямаа. Арандалынхан., саад учрах (бэрхшээл тохиолдох) - Өнгөртөл өчнөөн саад учирч мэдэшгүй явах замд болгоомжтой бай!. Г.Батаа нар. Онцгой даалгавартан., саад учруулах (саад хийх) - Хувьсгалын ажил явуулагад хор саад учруулах гэсэн муу санаатан олон байна. Н. Банзрагч. Зам., байгалийн саад (байгалийн үзэгдэл юмс хүний үйл ажиллагаанд бэрхшээл учруулах явдал), хэлний саад (хэл мэдэхгүйн бэрхшээл), саад боомт [хоршоо] (түвэг бэрхшээл учруулах зүйл) - Та өнөөх суваг нээхэд ямар том саад боомт үлдээж, тээр болсноо санаж байна уу?. Л. Түдэв. Нүүдэл суудал., саад боогдол [хоршоо] (ажил хэрэгт бэрхшээл учрах нь), саад бэрхшээл [хоршоо] (ажил хэрэгт тохиолдох хүндрэл) - Анхны юм бүхэн их саад бэрхшээл, том шалгалт сорилтыг даван туулсны эцэст бүтдэг билээ. М.Чойжил. Андын нутаг алсдахгүй., саад гинж [хоршоо] (гав гинж, дөнгө), саад зангилаа [хоршоо] (хэрэг явдлын ээдрээ, будлиан, түвэг), саад зэтгэр [хоршоо] (бэрхшээл, гай зовлон), саад тотгор [хоршоо] (аливаа зүйлийг хийхэд түвэг болох зүйл) - Бидэнд тохиолдсон саад тотгорыг арилгаж чадвал гавьяа байгуулах болно. Б.Нямаа. Арандалынхан., саад чирэгдэл [хоршоо] (тээр, садаа болох зүйл), бартаа саад [хоршоо] (ажил хэргийг бүтээхэд учрах төвөг бэрхшээл), гэм саад [хоршоо] (бусдад яршиг түвэг болох зүйл, гэм зэм), хориг саад [хоршоо] (а. Тухайн зүйлийг үл зөвшөөрөн эсэргүүцэх байдал, хүндрэл бэрхшээл - Ичих муу зан чинь юм сурах урагш давших бүх л зүйлд хориг саад тавьдаг юм шүү гэж Магнай ярив. Л.Түдэв. Нүүдэл; б. Хорио), саад зэтгэрт саад тотгор, саад түвэгт саад хаалт [зүйр цэцэн үг] (аливаа зүйлд тохиолдох хүндрэл бэрхшээл гэсэн санаа);
2. Явах, зорчих замыг хааж хорих хориг хаалт: Жаргах замын минь саад болсон жарвагар эмийг даръя. дэлгэрэнгүй... саад дээгүүр харайлгах (зориуд тавьсан хашилт дээгүүр харайлган гарах) - Тэр цэргүүдээ “ингээд хий” гээд л өөрөө мориор давхиж бургас цавчиж, саад харайлгаж байх нь мөн хорхой хүрмээр байдаг сан. Д.Гонгор нар. Д.Сүхбаатарын тухай дуртгалууд.
- саад болох - садаа учруулах
- саад хийх - тухайн зүйлийг хийхэд ямар нэгэн бэрхшээл, түвэг учруулах
- саад учрах - бэрхшээл тохиолдох
- саад учруулах - саад хийх
- байгалийн саад - байгалийн үзэгдэл юмс хүний үйл ажиллагаанд бэрхшээл учруулах явдал
- хэлний саад - хэл мэдэхгүйн бэрхшээл
- саад боомт - түвэг бэрхшээл учруулах зүйл
- саад боогдол - ажил хэрэгт бэрхшээл учрах нь
- саад бэрхшээл - ажил хэрэгт тохиолдох хүндрэл
- саад гинж - гав гинж, дөнгө ... үргэлжлүүлэн харах ...
