ӨТӨЛ  

1. Эгэл жирийн, доод: өтөл ард (эгэл жирийн ард) - дэлгэрэнгүй...Өтөл ардаа сайнаар явагтун хэмээн сургасан үгс буй за. В.Инжаннаши. Хөх судар., өтөл бэртэгчин [хоршоо] (үл бүтэх дорд хүн);

---

2. Хөгширч нас ахисан байдал: өтөл нас (жараас наян настай өтөлж яваа үе), өтөл настан (хөгшин настай хүн) - дэлгэрэнгүй...Өтөл настай өвгөн буурлуудынхаа үнэнч сургаалаас сонсоно уу. ААЗ., өтөл боол [хуучирсан] (овгийн гишүүдийн нэг хэсгийн нэр) - Овгийн жир гишүүд нь хар тэргүүт хүн, харцас залуу, гэрийн хүн, онго боол, өтөл боол гэх зэргээр нэр хаяг зүүх болжээ. Д.Гонгор. Халх товчоон., өтөл өр [хуучирсан] (өндөр хүүтэй зээл авсан нь) - Өр шир үлэмж ихэдсэнийг өтөл өр гэнэ. “Цог” сэтгүүл.

---

• өтөл ард - эгэл жирийн ард
• өтөл бэртэгчин - үл бүтэх дорд хүн
• өтөл нас - жараас наян настай өтөлж яваа үе
• өтөл настан - хөгшин настай хүн
• өтөл боол - овгийн гишүүдийн нэг хэсгийн нэр
• өтөл өр - өндөр хүүтэй зээл авсан нь

Холбогдох зураг одоогоор алга байна.