ӨСГӨХ  

1. Бойжуулах, торниулах, асрах: хүүхдээ өсгөх (хүүхдээ асарч том болгох), дэлгэрэнгүй...өсгөх торниулах [хоршоо] (үр хүүхдээ эрүүл саруул бойжуулж нас биед хүргэх) - Өсгөж торниулсан ачит ээж минь. Д.Содномдорж. Түм буман хүүхэд., өлөн өвс ургасан газар тариа бүү тарь, өсгөж торниулсан эхийн ачийг бүү март [зүйр цэцэн үг] (эх хүний ач тусыг бүү март гэсэн санаа);

---

2. Нэмэгдүүлэх, олшруулах - Үхэр сүргийг өсгөх талаар онцгой анхаарах... хэрэгтэй. Ц.Уламбаяр. Зовлон дэлгэрэнгүй...жаргал., мал сүргээ өсгөх (мал сүргийнхээ тоо толгойг олон болгох) - Мал сүргээ өсгөх зориг дүүрэн байна. Ч.Лхамсүрэн. Шүлэг., өсгөх үржүүлэх [хоршоо] (тоо хэмжээг нэмэгдүүлэх, олшруулах);

---

3. [шилжсэн] Юмыг хэтрүүлж хэлэх: өсгөж ярих (бодит байдал дээр нэмж чимж, хэтрүүлэн ярих).

---

• хүүхдээ өсгөх - хүүхдээ асарч том болгох
• өсгөх торниулах - үр хүүхдээ эрүүл саруул бойжуулж нас биед хүргэх
• өлөн өвс ургасан газар тариа бүү тарь, өсгөж торниулсан эхийн ачийг бүү март - эх хүний ач тусыг бүү март гэсэн санаа
• мал сүргээ өсгөх - мал сүргийнхээ тоо толгойг олон болгох
• өсгөх үржүүлэх - тоо хэмжээг нэмэгдүүлэх, олшруулах
• өсгөж ярих - бодит байдал дээр нэмж чимж, хэтрүүлэн ярих

Холбогдох зураг одоогоор алга байна.