1. Онох үйлийн нэр, оновор: сумны оноо (сумны онох байдал, цэц) - дэлгэрэнгүй...Зэвт сумныхаа оноог сорин харваж оносон бугаа үзнэ. З.Баттулга. Уяхан замбуутив., оноо бүжим (харваачдын тавьсан сум, зурхайд гучин сантиметр хүртэл лав тусаж оновоос оносныг илтгэж гараа алдлан гурваас доошгүй дэвэх хөдөлгөөн, үндэсний сурын харвааны бүжим хөдөлгөөн), алдаа оноо [хоршоо] (зөв буруу үйлдэл), оноо харваа [хоршоо] (цэц мэргэ);
2. Тэмцээн, уралдааныг шүүх үед өгөх тоон дүн, үнэлгээ:
оноо авах (тэмцээн, уралдаанд тэмцэлдэгч талаасаа илүү тоо авах),
дэлгэрэнгүй...оноо алдах (өрсөлдөгчдөө дийлдэн тоо алдах), оноо дутах (эсрэг талаасаа тоон дүн, үнэлгээ дутах) - Уурхайчин баг өрсөлдөгч багаа таван онооны илүүтэйгээр буулгаж авлаа. ”Зууны мэдээ” сонин., оноогоор давуу (тоон дүнгээр илүү), оноогоор хожигдох~оноогоор ялагдах (оноо дутан хожигдох), оноогоор хожих~оноогоор ялах (тэмцээн, уралдааны үед өндөр үнэлгээ авч хожих), босго оноо (элсэлтийн шалгалтын гол хэмжүүр оноо);
3. Бөхчүүд хэн хэнтэй барилдахыг оногдуулан тэмдэглэх данс:
бөхийн оноо (хоорондоо барилдах бөхчүүдийг оноон тэмдэглэсэн нь),
дэлгэрэнгүй...оноо сонсох (тухайн даваанд хэнтэй барилдахаа сонсож мэдэх) - Их аварга хоёрын даваанд хэнтэй оноо таарснаа сонсохоор явлаа. Ж.Дамдин. Монгол бөх., онооны түшмэл (барилдааны данс хөтлөгч);
4. [шилжсэн] Хувь заяа, тавилан:
оноо дагах (тавилан заяагаа дагах),
оноо лай [хоршоо] (үйлийн үр) -
дэлгэрэнгүй...Хүний эхнэр болно гэдэг чинь бүсгүй хүний заавал дайрах лай оноо нь юм. З.Баттулга. Уяхан замбуутив., оноо заяа [хоршоо] (хувь тавилан), оноо заяа муудах (хувь тавилан муу болох).
Ижил үг