НУУР
1. Хуурай газраар хүрээлэгдсэн их хэмжээний тогтмол ус - Тэндээс бид Балжун нуурт ундлахаар буув. дэлгэрэнгүй... давст нуур (их хэмжээний тогтмол давстай ус), цэнгэг нуур (их хэмжээний тогтмол цэнгэг ус) - Төв Азийн хамгийн гүн цэнгэг нуурын нэг нь Хөвсгөл гэдэг бол их давст нуурын нэг нь Увс юм. Х.Нямбуу. Хамгийн эрхэм ёсон., хиймэл нуур (газрыг эрэглэн ухаж, их хэмжээний тогтмол ус бий болгосон нь), мөстлөгийн нуур (уулын мөс хайлснаас хонхойж тогтсон их хэмжээний ус), холбоо нуур (дааган нуур), дааган нуур (газар доогуур болон дээгүүр усны судлаар холбогдсон хоёр нуур; холбоо нуур), нуурын мандал (хуурай газраар хүрээлэгдсэн их хэмжээний тогтмол усны мандал), нуурын хөвөө (ихээхэн хэмжээний тогтмол усны эрэг хавийн газар) - Нуурын хөвөөгөөр нудралдан тэмцэж ирт мэсээр ирэлцэн тулъя. Монголын нууц товчоо; нуур ширгэх (ихээхэн хэмжээний тогтмол ус хатах, ус нь багасах) - Хүрээ рүү хоосон явуулсан шахам тэргээ Жирэмийн цагаан нуурын арын хатаж эхэлсэн цахилдаг дотор үдлээд байхад... гүйцэж ирэв. Ч.Лодойдамба. Тунгалаг Тамир., нуур судлал (байгалийн болон хиймэл нуурын ус судлалын горим, биологийн онцлогийг судалдаг шинжлэх ухаан), нуур далай [хоршоо] (их хэмжээний тогтмол ус) - Нуур далай хол байвч, үүл мананаар уулздаг, хүний үрс хол байвч хүсэл сэтгэлээр учирдаг гэж ардын зүйр үгэнд арга үгүй л үнэн хэлжээ. Д.Сэнгээ. Биднийг Москва танилцуулсан., нуур тойром [хоршоо] (нуур цөөрөм), нуур цөөрөм [хоршоо] (хэмжээ харилцан адилгүй тогтмол ус) - Энэ дөчин газрын дайдуг тойрон үзэж хот балгад, орд харш, гэр хүрээ зээл ба уул ус, нуур цөөрөм, сүм хийд, гүүр замыг байцаан үзэж... гэнэ. В.Инжаннаши. Хөх судар., гол нуур [хоршоо] (урсгал болон их хэмжээний тогтмол ус) - Гол нуурууд толигор мөсөн хуягаа нөмөрч, өвөл гэгч догшин сүрт дайсантайгаа ана мана тулалдаж байлаа. Л.Түдэв. Нүүдэл., нуур дэлсэж, мэлхий айлгах (хий сүр бадруулан бусдыг айлган сүрдүүлж зорилгодоо хүрэхийг оролдох гэсэн санаа), нуур амар бол нугас амар [зүйр цэцэн үг] (нийгэм, орчин тойрон нь тайван, эмх замбараатай байвал хүн ард нь төлөв төвшин сайхан байна гэсэн санаа), нуур ширгэвэл мэлхий хатна [зүйр цэцэн үг] (оршин тогтнох амьдралын нөхцөл алдагдвал аяндаа мөхөх гэсэн санаа), нуураасаа салсан нугас, нутгаасаа салсан хүн [зүйр цэцэн үг] (төрөлх нутаг, гэр орноосоо хол байх хэцүү гэсэн санаа), нуурыг нугас чимдэг, нутгийг мод чимдэг [зүйр цэцэн үг] (аливаа зүйлд зохицсон юм нь чимэг болох гэсэн санаа), нуурын хөх цэцэг [ургамал] (өндөрдүү, хөхөвтөр бор өнгийн цэцэгтэй, иш нь эмд орно, салаа навчийг нь чанаж ууж хэрэглэж болдог, нуур цөөрөм, гуу сувгийн хөвөөний усанд ургадаг нэг наст өвс);
2. Багахан хэмжээний тогтмол ус бороотой жил тогтож, гантай жил ширгэнэ.
- давст нуур - их хэмжээний тогтмол давстай ус
- цэнгэг нуур - их хэмжээний тогтмол цэнгэг ус
- хиймэл нуур - газрыг эрэглэн ухаж, их хэмжээний тогтмол ус бий болгосон нь
- мөстлөгийн нуур - уулын мөс хайлснаас хонхойж тогтсон их хэмжээний ус
- холбоо нуур - дааган нуур
- дааган нуур - газар доогуур болон дээгүүр усны судлаар холбогдсон хоёр нуур, холбоо нуур
- нуурын мандал - хуурай газраар хүрээлэгдсэн их хэмжээний тогтмол усны мандал
- нуурын хөвөө - ихээхэн хэмжээний тогтмол усны эрэг хавийн газар
- нуур ширгэх - ихээхэн хэмжээний тогтмол ус хатах, ус нь багасах
- нуур судлал - байгалийн болон хиймэл нуурын ус судлалын горим, биологийн онцлогийг судалдаг шинжлэх ухаан ... үргэлжлүүлэн харах ...
