НӨМӨР  

1. Салхи жавраас халхлагдсан газар, халхавч - дэлгэрэнгүй...Дамбийг хүрч ирэхэд Загдын хонь шамаргад хөөгдөж хэсэг нь тасраад жалга уруудаж, хэсэг нь хоёр гэрийн нөмөрт бөөгнөрч байлаа. Л.Түдэв. Нүүдэл., нөмөр газар (салхи, жаврын хүч бага газар), нөмөр барих (салхи шуурганаас халхлах хашаа саравч барих) - Шөнө хонох дутам сэрүүн орж, юмаа дугуйлж хураагаад нөмөр барьж муу сайн дээлийн оронцгоор хүүгээ хучиж хононо. С.Удвал. Та бид уулзана., нөмөр бараадах (юмны салхи, жавар багатай газарт хоргодох), нөмөрт хоргодох (салхины хүч багатай газар зогсох), нөмөр дулаан [хоршоо] (салхи жаврын хүч бага, дулаан), нөмөр нөөлөг [хоршоо] (а. Салхи, шуурганы хүч бага тусах газар; б. [шилжсэн] Бусдын нөлөө, тус дэм) - Нөөлөг жавар хаах, нөмөр ихтэй хангай шиг ээжийнхээ хажууд хэвтэн босон, эрхэлж наадан баясна. С.Дашдооров. Өнчин цагаан ботго., ээвэр нөмөр [хоршоо] (салхи, жавар багатай энгэр газар);

---

2. Бусдын нөлөө, тус дэм, асрамж: нөмөр ихтэй хүн (түшиг тулгуур болох хүн) - дэлгэрэнгүй...Олны дэм гэдэг чинь бас л их нөмөртэй золиг юм. Л.Түдэв. Нүүдэл.

---

• нөмөр газар - салхи, жаврын хүч бага газар
• нөмөр барих - салхи шуурганаас халхлах хашаа саравч барих
• нөмөр бараадах - юмны салхи, жавар багатай газарт хоргодох
• нөмөрт хоргодох - салхины хүч багатай газар зогсох
• нөмөр дулаан - салхи жаврын хүч бага, дулаан
• нөмөр нөөлөг - а. Салхи, шуурганы хүч бага тусах газар б. [шилжсэн] Бусдын нөлөө, тус дэм
• ээвэр нөмөр - салхи, жавар багатай энгэр газар
• нөмөр ихтэй хүн - түшиг тулгуур болох хүн

Холбогдох зураг одоогоор алга байна.