АРАА I  

1. Хүн, амьтны соёоноос хойших том шүд - дэлгэрэнгүй...Мангас гардийн тэнэг хүү араа шүдээ хавирч, хамаг амьтныг түйвээж байжээ. С.Эрдэнэ. Хонгорзул., агт араа (хорин наснаас хойш ургах угийн араа), араа соёо [хоршоо] (үүдэн шүднээс хойших шүд) - Ам юугаа ангайлган араа соёогоо тачигнуулж байж гэнэ. Халх ардын тууль., арааны шүлс гоожих ~ арааны шүлс асгарах (а. Амтархах зэрэгт шүлс ихээр гарах; б. [шилжсэн] Юманд хорхойсон шунах), араа хумс [хоршоо] (шүд хумс) - Амьд барсын амыг атгаж барин араа хумсыг мултлан хаягч болой. Замлин Сэнчиний намтар оршив., *араандаа зуух (муу санах, хорсол өвөрлөх, өширхөх, занах) - Гэтэл одоо Жамц тэр нэгэн гутамшгаа мартаагүйгээр барахгүй араандаа зууж яваа гэдгийг Донров төдий л сайн санахгүй байна. Л.Чойжилсүрэн. Морин төвөргөөн., *араа шүд бүтэх (эрийн цээнд хүрэх, том хүн болох), *араа шүд хавирах (машид хорсон занах);

---

2. Өрөлбө, хайч зэрэг хавчих юмны зуух ааг газар;

---

3. [техник] Эргэх хөдөлгөөнийг дамжуулах хүрд дугуйд үетүүлэн гаргасан хэрчээс шүд: араа залгах (хурдны хүрд залгах), дэлгэрэнгүй...араа солих (хүрдний зэрэглэлийг солих) - Дугар араагаа солин тоос татуулан давхив. Н.Банзрагч. Зам., араа шүд (хэрчлээст шүд), нэгдүгээр араа (шавартай зам, өгсүүр газарт явах хүнд араа).

---

• агт араа - хорин наснаас хойш ургах угийн араа
• араа соёо - үүдэн шүднээс хойших шүд
• арааны шүлс гоожих~арааны шүлс асгарах - а. Амтархах зэрэгт шүлс ихээр гарах; б. [шилжсэн] Юманд хорхойсон шунах
• араа хумс - шүд хумс
• араандаа зуух - муу санах, хорсол өвөрлөх, өширхөх, занах
• араа залгах - хурдны хүрд залгах
• араа солих - хүрдний зэрэглэлийг солих
• араа шүд - хэрчлээст шүд
• нэгдүгээр араа - шавартай зам, өгсүүр газарт явах хүнд араа
• араа шүд бүтэх - эрийн цээнд хүрэх, том хүн болох
... үргэлжлүүлэн харах ...
араа шүд хавирах - машид хорсон занах

---

Ижил үг

АРАА II:

АРАА III

Холбогдох зураг одоогоор алга байна.