МЭРЭХ  

1. Хатуу юмыг шүдээрээ эмтлэн идэх: ааруул мэрэх (ааруулыг бага багаар эмтлэн идэх), дэлгэрэнгүй...мөчир мэрэх (идэш тэжээл ховордсон үед мөчрийг шүдээрээ эмтлэх) - Шөнө турш хөлдүү бургасны мөчир мэрж өл муутай хоносон морьд цаснаас цухуйсан өлөн рүү хошуу цорволзуулан тэмүүлнэ. Д.Мягмар. Уянгын туужууд., мэрж унагах (шүдээрээ эмтэлсээр унагах), барж идсэн баянаас мэрж идсэн хоосон дээр [зүйр цэцэн үг] (арвич хямгач байх гэсэн санаа);

---

2. Үйл ажлыг бага багаар хийх: мэрж суух (бага багаар хийх), *мэрэн мөлжих (бага багаар мөлжих) - дэлгэрэнгүй...Чи мэдэж байна уу? Намайг мэрж мөлжиж, надад бүр амар заяа үзүүлдэггүй ямар нэг өт хорхой байна. И.С.Тургенев. Ангуучны тэмдэглэл;

---

3. [шилжсэн] Үргэлжлэн өвдөх: мэрж өвдөх (бага багаар тасралтгүй өвдөх).

---

• ааруул мэрэх - ааруулыг бага багаар эмтлэн идэх
• мөчир мэрэх - идэш тэжээл ховордсон үед мөчрийг шүдээрээ эмтлэх
• мэрж унагах - шүдээрээ эмтэлсээр унагах
• барж идсэн баянаас, мэрж идсэн хоосон дээр - арвич хямгач байх гэсэн санаа
• мэрж суух - бага багаар хийх
• мэрэн мөлжих - бага багаар мөлжих
• мэрж өвдөх - бага багаар тасралтгүй өвдөх

Холбогдох зураг одоогоор алга байна.