МЭДЭГДЭХ  

1. Гадны нөлөөллөөс бие цочрох, мэдрэгдэх: аяс мэдэгдэх (аяс байдал мэдрэгдэх) - дэлгэрэнгүй...Ашгүй тэгтэл уулын нөмөр нөөлөг мэдэгдэж, цасан шуурганы эргүүлэгт арай дулаан юм шиг аяс мэдэгдлээ. Б.Бааст. Алтайн хөх дөнөн., хүйтэн мэдэгдэх (хүйтэн биед мэдрэгдэн цочрох);

---

2. Бусдад илчлэгдэх, тодорхой болох: зан мэдэгдэх (зан байдал тодорхой болох) - дэлгэрэнгүй...Дайн тулаан, баяр жаргал, эмгэнэл гашуудал аль бүхэнд зөвлөлтийн хүний зан мэдэгдэнэ. С.Эрдэнэ. Миний эх орон-миний тоонот., үл мэдэгдэх (тодорхой бус) - …өдрийн тэмдэглэлийг үзэхэд үл мэдэгдэх утга бүхий хэдэн үсгийн дотор түүний нэр байхыг үзээд зүрхний дотор зул бадарна. Д.Нацагдорж Харанхуй хад., жигүүргүй шувуу байдаггүй ч нисэхдээ мэдэгдэнэ, эвгүй хүн байдаггүй ч харилцахдаа мэдэгдэнэ [зүйр цэцэн үг] (аливаа зүйлийг гаднаас нь дүгнэх боломжгүй, гагцхүү харьцах харьцаанаас нь мэдэх гэсэн санаа);

---

3. Ямар нэг зүйлийн тухай өөрийн саналаа хэлэх, сонсгох: зөвшөөрснөө мэдэгдэх (зөвд үзэж, санаа нийлж байгаагаа хэлэх), дэлгэрэнгүй...хуралтайг мэдэгдэх (хурал болох гэж байгааг мэдээлэх), цэргүүддээ мэдэгдэх (цэргүүддээ хэлэх, ярих) - Стригин буцаж цэргүүддээ мэдэгдэн майхан бариулав. Л.Түдэв. Улаан долгион.

---

• аяс мэдэгдэх - аяс байдал мэдрэгдэх
• хүйтэн мэдэгдэх - хүйтэн биед мэдрэгдэн цочрох
• зан мэдэгдэх - зан байдал тодорхой болох
• үл мэдэгдэх - тодорхой бус
• жигүүргүй шувуу байдаггүй ч нисэхдээ мэдэгдэнэ, эвгүй хүн байдаггүй ч харилцахдаа мэдэгдэнэ - аливаа зүйлийг гаднаас нь дүгнэх боломжгүй, гагцхүү харьцах харьцаанаас нь мэдэх гэсэн санаа
• зөвшөөрснөө мэдэгдэх - зөвд үзэж, санаа нийлж байгаагаа хэлэх
• хуралтайг мэдэгдэх - хурал болох гэж байгааг мэдээлэх
• цэргүүддээ мэдэгдэх - цэргүүддээ хэлэх, ярих

Холбогдох зураг одоогоор алга байна.