МАНАН I  

1. Газрын гадаргуу, усны мандал дээр хэсэгчлэн тогтсон, харагдах орчин хязгаарлагдмал өтгөн, цагаан өнгөтэй усны уур: дэлгэрэнгүй...манан дэгдэх (манан дээш хөөрөх), манан татах (манан суух), манан суух (чийгт агаар нэг газарт багларан тунарах) - Уулын ар, модны оройгоор манан суужээ. Б.Бааст. Хяруу унасан цагаар., манантай өдөр (манан татсан өдөр) - Манантай өдөр байна харанхуй болноо хө, мандах нар нь гараад ирвэл тунгалаг болноо хө. Монгол ардын дуу., манан будан [хоршоо] (дээгүүрээ тунгалаг, доогуураа бүрхэг усны уур бүхий агаар), манан хүдэн [хоршоо] (газарт буусан болон газраас дэгдээгүй уур бүхий тунгалаг биш агаар), униар манан [хоршоо] (униар будан), үүл манан [хоршоо] (агаарт хуралдсан усны уур болон түүний доош буусан нь), уур манан [хоршоо] (хөөрөн дэгдэх усны хий), манан ихэдвэл бороо болно, маргаан ихэдвэл зодоон болно [зүйр цэцэн үг] (аливаа юм хэмжээнээсээ хэтэрвэл үр дүн нь буруу болно гэсэн санаа), хоёр далай хол оршивч уур манангаар нийлдэг, хоёр хүн хол төрөвч явдал замдаа учирдаг [зүйр цэцэн үг] (аливаа зүйл өөр хоорондоо учир холбогдолтой, хүний амьдрал ч мөн адил гэсэн санаа);

---

2. Тоос, утаа: улаан манан татуулах (тоос ихэд бужигнуулах), утаа манан [хоршоо] (агаарт дэгдсэн их тоос);

---

3. [шилжсэн] Үймээн бужигнаан: манан татуулах (а. Хэрүүл маргаан үүсгэж будилаантуулах; б. Тоос босгон цааш хурдан явах), дэлгэрэнгүй...манан хадаах (үймүүлэх, сандраах), *сүйдийн манан болох (сандран бужигналдах, хэрэг гарах) -  Тэд хоорондоо зөрж сүйдийн манан болцгоов. Б.Ринчен. Сандо амбан.

---

• манан дэгдэх - манан дээш хөөрөх
• манан татах - манан суух
• манан суух - чийгт агаар нэг газарт багларан тунарах
• манантай өдөр - манан татсан өдөр
• манан будан - дээгүүрээ тунгалаг, доогуураа бүрхэг усны уур бүхий агаар
• манан хүдэн - газарт буусан болон газраас дэгдээгүй уур бүхий тунгалаг биш агаар
• униар манан - униар будан
• үүл манан - агаарт хуралдсан усны уур болон түүний доош буусан нь
• уур манан - хөөрөн дэгдэх усны хий
• манан ихэдвэл бороо болно, маргаан ихэдвэл зодоон болно - аливаа юм хэмжээнээсээ хэтэрвэл үр дүн нь буруу болно гэсэн санаа
... үргэлжлүүлэн харах ...
хоёр далай хол оршивч уур манангаар нийлдэг, хоёр хүн хол төрөвч явдал замдаа учирдаг - аливаа зүйл өөр хоорондоо учир холбогдолтой, хүний амьдрал ч мөн адил гэсэн санаа
улаан манан татуулах - тоос ихэд бужигнуулах
утаа манан - агаарт дэгдсэн их тоос
манан татуулах - а. Хэрүүл маргаан үүсгэж будилаантуулах; б. Тоос босгон цааш хурдан явах
манан хадаах - үймүүлэх, сандраах
сүйдийн манан болох - сандран бужигналдах, хэрэг гарах

---

Ижил үг

МАНАН

МАНАН II

Холбогдох зураг одоогоор алга байна.