ИВ I  

Ил, ижил зэрэг үгийг давтсан язгуур, хүч нэмэгдүүлсэн үг: ив ижилхэн (усны дусал мэт адилхан, яг дэлгэрэнгүй...адилхан) - Тэр хоёр улиасны ив ижилхнийг яана. Б.Бааст. Хяруу унасан цагаар., ив ил сонсогдох (тодорхой сонсогдох) - Инээлдэх нь өглөөний сонорт ив илхэн сонсогдоно. Д.Дожоодорж. Зүүний сүвэгч., ив ил харагдах (тодорхой харагдах), ив илхэн харагдах (бүхлээрээ тод харагдах) - Рэгзэдмаа ч өнгөрсөн оны шинэ жилийн тэр шөнийг ив илхэн саналаа. С.Эрдэнэ. Малын хөлийн тоос., ив илэрхий [хоршоо] (хэрэг, юмны өчүүхэн ч нууцгай, далд зүйлгүй, тов тодорхой нь) - Буурал бас санаандгүйгээр бачим учирснаа цочин бэгтэрсэн нь ив илэрхий байтал, чи юунд ийн сэжиглэмүй. В.Инжаннаши. Хөх судар.

• ив ижилхэн - усны дусал мэт адилхан, яг адилхан
• ив ил сонсогдох - тодорхой сонсогдох
• ив ил харагдах - тодорхой харагдах
• ив илхэн харагдах - бүхлээрээ тод харагдах
• ив илэрхий - хэрэг, юмны өчүүхэн ч нууцгай, далд зүйлгүй, тов тодорхой нь

ИВ II

ИВ III