1. Бодитой оршин байгаа үзэгдэл, юмсын дүрс байдал, үсэг тэмдэг, хээ угалз болон сэтгэлд бодогдсон зүйлийн дүр байдлыг дэлгэрэнгүй...дүрслэн гаргах: буга зурах (бугын дүрс урлах), дуурайлган зурах (юмны өнгө, хэлбэр дүрсийг хуулбарлан, уг эхэд нь ойртуулан дүрслэх) - Харснаа дуурайлган зурах, сийлэх, тэр ч байтугай хээ угалз хатгаж зүү ороохдоо гайхалтай. Ж.Дамдин. Миний Монгол., навч зурах (зургийн хэрэгсэл ашиглан навч дүрслэх), угалз зурах (хээ угалз дүрслэх), хүн зурах (хүний төрх царайг дүрслэх);
2. Бичих, нэрээ тавих:
гарын үсэг зурах (гарын үсэг тавих, нэрээ мутарлах),
нэрээ зурах (нэрээ бичих) -
дэлгэрэнгүй...Зэвсгээ хаяад бууж өгөх актинд гарын үсэг зурах л үлдээд байх шив дээ. Г.Дүйнхэржав. Арилшгүй мөр;
3. Иртэй юмаар зураас гаргах, ярах хагалах:
өр зурах (а. Төхөөрөх малын өрц орчмын арьсыг хурц хутгаар зурж зүсэх; б. Ходоодны хүчил
дэлгэрэнгүй...ихдэж дотор өвдөх), өрцийг нь зурах (төхөөрөх малын өрцийг нь хутгаар сийлэх, өрцийг нь ярж цоолох), ханыг нь зурах (хананд зураас гаргах, сэвтүүлэх);
4. [шилжсэн] Гомдоох, хорсол төрүүлэх:
дотрыг нь зурах [шилжсэн] (а. Дотрыг нь өвтгөх, горойлгох; б. Хор шар хөдөлгөх, хорсгох,
дэлгэрэнгүй...гомдоох).