ЖАВХАА I  

1. Хүн, амьтны цог бадрангуй байдал, чалх, толио: жавхаа алдагдах (цог заль буурах), жавхаа сайтай (гал цогтой, дэлгэрэнгүй...толио сайтай), залуугийн жавхаа (залуугийн гал цог), идрийн жавхаа (идрийн өнгө зүс), цэргийн жавхаа (цэргийн сүр хүч), жалх жавхаа [хоршоо] (тамир сайтай, цог золбоолог байдал), өнгө жавхаа [хоршоо] (а. Гадаад өнгө үзэмж; б. Хийморь сүлд, толио); Тэдний өнгө жавхаа алдагдаад, дээл хувцас нь урагджээ. С.Дашдэндэв. Улаан наран., сүр жавхаа [хоршоо] (сүр хүчин төгөлдөр байдал; цог заль) - Ардын журамт цэргийн сүр жавхаа их мөрний үргэлжилсэн аварга шуугиан мэт ажээ. Ч.Лодойдамба. Тунгалаг Тамир., цог жавхаа [хоршоо] (сэргэлэн цовоо, ид хавтай) - Монголын нисэх хүчний дүрэмт хувцас цэвэрхэн өмсч, хромон гутлаа тослон гялалзтал арчсан, нүүрэнд нь залуугийн цог жавхаа гэрэлтсэн энэ залуу нисэх ангийн даргаар дэвшин ажиллах үүрэг хүлээжээ. Л. Чойжилсүрэн. Агаарын зоригт шонхор;

---

2. Эд юмсын өнгө үзэмж: жавхаа сайтай (өнгө үзэмж, хэлбэр төрх сүртэй сайхан).

---

• жавхаа алдагдах - цог заль буурах
• жавхаа сайтай - гал цогтой, толио сайтай
• залуугийн жавхаа - залуугийн гал цог
• идрийн жавхаа - идрийн өнгө зүс
• цэргийн жавхаа - цэргийн сүр хүч
• жалх жавхаа - тамир сайтай, цог золбоолог байдал
• өнгө жавхаа - а. Гадаад өнгө үзэмж; б. Хийморь сүлд, толио
• сүр жавхаа - сүр хүчин төгөлдөр байдал цог заль
• цог жавхаа - сэргэлэн цовоо, ид хавтай
• жавхаа сайтай - өнгө үзэмж, хэлбэр төрх сүртэй сайхан

---

Ижил үг

ЖАВХАА II

Холбогдох зураг одоогоор алга байна.