Аялан дуулахад зориулсан богино хэмжээний шүлэглэсэн зохиол, аялгууны найрал: айзам дуу (найрын эхэнд дэлгэрэнгүй...дуулдаг хүндэтгэлийн уртын дуу), ардын дуу (ард олны дунд уламжлан ирсэн тодорхой зохиогчгүй дуу), бүжгийн дуу (бүжгийн агуулга, утгад зохируулан зохиосон дуу), гүр дуу (шашин номын дуу), дуу авах (дуу хүсэх), дуу аялах (а. Дуу дуулах; б. Дууны үгийг хэлэхгүйгээр аяыг гаргах) - Баруун хойноос морины төвөргөөн дуулдаж, нэг хүн уртын дуу аялах чимээ гарав. С. Бадраа. Улаанбаатар минь сайн байна уу., дуу бариулах (а. Дуулуулахын хүндэтгэл; б. [хуучирсан] Шүлэглэсэн аман мэдээг элчээр дамжуулах), дуу дуулах (дууны үг аяыг зөв тод гаргаж дуулах) - Балчирхан бага насандаа хөдөө хээр хурга хариулж явахдаа өндөр хөх тэнгэрийн өехийд хөөцөлдөн хөвөх хэсэг бусаг задгай цагаан үүлсийг ширтэн, дуу дуулах дуртай байжээ. Б. Догмид. Эргэн төрдөггүй орчлон., дуу өргөх (дуу барих), дууны ая (дууны үгэнд тааруулсан хөгжмийн зохиол) - Царцаа цар цар дуугарах чимээнд Виктор ямар нэгэн дууны ая оруулан исгэрэх нь тодхон. П. Хорлоо. Багш., дууны түүвэр (нийтэд дэлгэрсэн дууг нотны хамт гаргасан эмхэтгэл), дууны үг (аялгуу тааруулж дуулахад зориулан зохиосон шүлэг), дөрвөл дуу (дөрвөн хүний нийлэн дуулах дуу), жагсаалын дуу (цэргийн цуваа, ёслолын парадын үед дуулагдах дуу), найрын дуу (найр наадмын үед дуулагддаг баяр цэнгэл, ерөөл бэлгэдэл, хүндэтгэлийн агуулгатай дуу) - Аавын гэрээс найрын дуу жигдрэн хангинаж байлаа. Д. Норов. Мөнхийн дуудлага., түүхэн дуу (түүхэн сэдэвтэй дуу, түүхэн үйл явдлыг тусгасан дуу), уртын дуу (ардын айзам хэмнэл удаантай дуу) - Нэг эмэгтэй морин хуураа дарж, нөгөө эмэгтэй нь уртын дуу дуулж нийт үзэгчид маш анхааралтай сууцгаана. Л. Ванган. Талын цуурай., харилцаа дуу (хоёр этгээд бадаг бадгаар нь ээлжлэн дуулах дуу), дууны шүлэг (дууны ая аялгуугаар хэлэгдэх шүлэглэсэн зохиол), дууны эхлэл (дууны ая аялгуу, шүлгийн эх), дууны цоморлог (дууны шүлэг, ая аялгууны нотны эмхэтгэл), ая дуу [хоршоо] (дуу хөгжим) - Болжморын жиргээнээр Улиастайн цэргийн хуаранд майхнуудаас янз бүрийн ая дуу гарч байсан нь санаанд орж ирлээ. С. Удвал. Их хувь заяа., дуу аялгуу [хоршоо] (дуу авиа) - Дуу, ая эгшгийнсайханд нь бус хэдэн хурууны хөдлөх төдий, ижил олон товч нааш цааш хөдөлж, атираатсан хар хайрцаг амь орон дуу аялгуу цууриатуулдагт нь бишрэн, аль хуруу нь яаж хөдлөхөөр ингэж дуугардаг байна вэ гэдгийг ам ангайн ширтдэг байлаа. С. Дашдооров. Говийн өндөр., дуу хуур [хоршоо] (дуу хөгжим, цэнгээн) - Энэ завсар Улаанбаатарт явсан ганц хоёр хүн “Идэр жинчин” гэдэг дуу сурч ирснээр манай нутгийнхны дуу хуурын санд сонирхол татсан нэгэн шинэ дуу нэмэгдэв. Б.Чойндон. Галбын говьд., дуу хоолой [хоршоо] (дууны өвөрмөц өнгө, ялгараа) - Тэмээ мал ачаа хөсгөө манан яваа хүмүүсийн дуу хоолой тодоос тодхон дуулдах ажээ. С. Дашдооров. Хатан туулын өнгө., дуу хөгжим [хоршоо] (дуу, хөгжмийн хослол) - Тэр үеийн сурагч, залуус шүлэг зохиол, дуу хөгжим, биеийн тамир сонирхох нь даанч их. Ч. Чимэд. Магеллан хаагуур гарсан бэ?., дуу шүлэг [хоршоо] (дуу, яруу найргийн аль алин нь).
- айзам дуу - найрын эхэнд дуулдаг хүндэтгэлийн уртын дуу
- ардын дуу - ард олны дунд уламжлан ирсэн тодорхой зохиогчгүй дуу
- бүжгийн дуу - бүжгийн агуулга, утгад зохируулан зохиосон дуу
- гүр дуу - шашин номын дуу
- дуу авах - дуу хүсэх
- дуу аялах - а. Дуу дуулах; б. Дууны үгийг хэлэхгүйгээр аяыг гаргах
- дуу бариулах - а. Аман захиа илгээх; б. Найран дээр дуу дуулахыг хүсэх, дуу дуулуулах
- дуу дуулах - дууны үг аяыг зөв тод гаргаж дуулах
- дуу өргөх - дуу барих
- дууны ая - дууны үгэнд тааруулсан хөгжмийн зохиол
... үргэлжлүүлэн харах ...- дууны түүвэр - нийтэд дэлгэрсэн дууг нотны хамт гаргасан эмхэтгэл
- дууны үг - аялгуу тааруулж дуулахад зориулан зохиосон шүлэг
- дөрвөл дуу - дөрвөн хүний нийлэн дуулах дуу
- жагсаалын дуу - цэргийн цуваа, ёслолын парадын үед дуулагдах дуу
- найрын дуу - найр наадмын үед дуулагддаг баяр цэнгэл, ерөөл бэлгэдэл, хүндэтгэлийн агуулгатай дуу
- түүхэн дуу - түүхэн сэдэвтэй дуу, түүхэн үйл явдлыг тусгасан дуу
- уртын дуу - ардын айзам хэмнэл удаантай дуу
- харилцаа дуу - хоёр этгээд бадаг бадгаар нь ээлжлэн дуулах дуу
- дууны шүлэг - дууны ая аялгуугаар хэлэгдэх шүлэглэсэн зохиол
- дууны эхлэл - дууны ая аялгуу, шүлгийн эх
- дууны цоморлог - дууны шүлэг, ая аялгууны нотны эмхэтгэл
- ая дуу - дуу хөгжим
- дуу аялгуу - дуу авиа
- дуу хуур - дуу хөгжим, цэнгээн
- дуу хоолой - дууны өвөрмөц өнгө, ялгараа
- дуу хөгжим - дуу, хөгжмийн хослол
- дуу шүлэг - дуу, яруу найргийн аль алин нь
Ижил үг
