Санаанд нийлэмжгүй, дур хүсэл төрөхгүй, тааламжтай бус: дургүй хүрэх (а. Юманд үл дурлах; б. Ямар дэлгэрэнгүй...нэгэн юмыг үл тааламжлах) - Наашаа наашаа гэж бөхөлзөж гүйх тусам нь дургүй хүрэх юм. З. Дорж. Зүү дагаагүй учиг., хоолонд дургүй (хоол идэх дур сонирхолгүй) - Оросууд түс тас шулуун зантай, дэмий хэвтэх дургүй. С.Эрдэнэ. Түүвэр зохиол., дуртай дургүй [хоршоо] (а. Аргагүй; б. Дур саналыг үл хайхрах) - Үүдэнд сууж байсан хүмүүс дуртай дургүй босож дээшлэн сууцгаав. Ч. Лодойдамба. Тунгалаг тамир., *дургүйд хүчгүй (хүсэл, сонирхолгүйн эрхээр шалтаглан хойргоших, юмыг ор нэр төдий үйлдэх гэсэн хэллэг) - Хэдхэн минут гэж байж, бас эхтэйгээ яваа эмэгтэй хүн гуйж байгаа болохоор цаадуул нь дургүйд хүчгүй гэгчийн үлгэр болж байж, эхэд нь сандлын ирмэгт бөгс нь багтахтай, үгүйтэй зай гаргаж өгөв бололтой. Б. Бааст. Юмдүүжин., дургүй ламд дарж байж сахил хүртээх [зүйр цэцэн үг] (ажил үйлд дур, хүсэлгүй хүнийг захирч тушаагаад сайн үр дүнд хүрэхгүй гэсэн санаа).