1. Голоор, төвөөр, хоорондуур, завсар зайгаар нь: ой дундуур (ойгоор) -дэлгэрэнгүй... Дамдин эхний өдөр хөх тэнгэр түрэн өндөрлөсөн их хөвчийн дунд, нөхдийн хамт хаана нэгэнтээ гээгдэж орхисон сүм дуган ч юм уу, агуй ангал сонирхсон аянчид шиг эргэн тойрныг ажиж бие биесээ хашгиралдан дуудалцаж ой дундуур баахан тэнэжээ. С. Дашдооров. Говийн өндөр., олон гэрийн дундуур (гэрүүдийн хоорондуур) - Тосгоны дундуур тахирлан урсдаг бяцхан горхины мөс нарны гэрэлд шил толь шиг гялалзана. Б.Нямаа. Арандалынхан., далан дундуур хатгах (далны завсраар хатгах, далны доогуур хатгах);
2. Дотуур:
усан дундуур (а. Нэлэнхий усаар явах; б. Ус гатлах) -
дэлгэрэнгүй...Би шавар шавхайд хальтирч унахаас болгоомжлон, өмднийхөө түрийг норгохгүйг хичээн, өвдгөө өнгөртөл шуугаад, уулнаас сандран буух үерийн усан дундуур шал пал гишиглэн, хотоо тойрч, хашгичин, гүүгчиж чимээ өгсөөр явлаа. Д. Мягмар. Тээрэмчний охин., манан дундуур (манан дотуур) - Манан дундуур орос монгол цэрэг уухай хашхиран орж ирлээ. Ж.Пүрэв. Гурван зангилаа., утаан дундуур (утаан дотуур) - Дэлэнгээ хөнгөлсөн үнээнүүд майн утаан дундуур толгойгоо сэжлэн олон зуны турш гаргасан цувцаараа бэлчээр тийш явна. С. Эрдэнэ. Наран тогоруу;
3. Тухайн ажил үйл өрнөж байх үеэр:
ажлын дундуур (ажил үргэлжилж байх цагт) -
дэлгэрэнгүй...Уурхайчид багаж хэрэглэлээ барьж, ажлын дундуур халууцахдаа бэхэлгээний багануудад өлгөсөн хөвөнтэй хүрмээ өмсөж, цай хийж авчирсан ташмагаа зүүж, уван цуван хэд гурваараа дүүжин шат руу явцгаав. С. Лочин. Сэтгэлийн өнгө., шуурган дундуур (шуурга шуурч байх үеэр) - Цасан шуурган дундуур бүрэлзэн далд орох авгайн араас Ханд эмгэн харсаар үлдэв. Р. Ганбат. Хужир нугадаа очих юмсан., яриан дундуур (ярьж хэлэлцэж байх үеэр) - Яриан дундуур эзэгтэй загийн гал дүрэлзэн буй тулган дээр тогоо тавьж тэмээний бололтой тарган мах үйв. Б.Чойндон. Галбын говьд;
4. Дүүрэн биш:
дундуур цай (дүүрэн биш цай) -
Тулганы нь хойно тэвштэй чанасан мах, домбо дундуур цай байв. дэлгэрэнгүй...style="font-size:10px;">Ч. Лодойдамба. Тунгалаг тамир., дундуур дундуур гэсээр долоо дундуур болох [зүйр цэцэн үг] (бага багаар олон удаа хийх гэсэн санаа);
5. [шилжсэн] Барагтайхан, дульхан:
сэтгэл дундуур (сэтгэл санаа ханамжгүй, сэтгэлд хүрэхгүй) -
дэлгэрэнгүй...За тэгээд эхнэрийн гарт цагдуулж, үгүй бол элэг бариулж, сэтгэл дундуур явснаас шувуу шиг жиргэж явсан нь дээр. С. Удвал. Их хувь заяа;
6. Юмны тал хувь, хагас:
тэхий дундуур (аяга, савны талаар, тал дундуур).