ДАЛАЙ II  

1. Үлэмж их, хэмжээлшгүй уужим, өргөн: далай их (агуу их) - дэлгэрэнгүй...Энэ мөчид өвгөнийг далай их давалгаа нөмрөөд авах мэт болж, чихэнд нь нэг юм түжигнэн, чимээ анир сонсохыг болиод, нүд нь дахин юм харж чадсангүй. Д. Маам. Орлойн тэнгэр., далай жаргал (барагдашгүй их жаргал), далай нутаг (хэмжээлшгүй өргөн уудам), далай цагаан (уужуу талбиун) - Төмөр хааны далай цагаан өргөөнд орж ирээд... Монгол ардын баатарлаг тууль., *архин далайд живэх (архи сархадад толгойгоо мэдүүлэх), ургацын далай (а. Тариа, ногооны ургац сайтай нь; б. Ногоо ихтэй хоол);

---

2. Дээд зэргийн цол: далай даян (улсын наадамд гурваас дөрвөн удаа түрүүлсэн бөхийн цол), далай лам (шашны тэргүүн дэлгэрэнгүй...ламтан) - Далай ламд мөргөж даатгал аврал эрж гэнэ. Монгол ардын аман зохиолын дээж., далай хаан (хамгийг захирагч их хаан) - Мөнх тэнгэрийн хүчин дор, Хамаг Монгол улсын далай хааны зарлиг, ил булха иргэнд хүрвээс биширтүгэй, аюутугай. Мөнх хааны тамгын бичээс., далай цэцэн (агуу цэцэн мэргэн).

---

• далай их - агуу их
• далай жаргал - барагдашгүй их жаргал
• далай нутаг - хэмжээлшгүй өргөн уудам
• далай цагаан - уужуу талбиун
• архин далайд живэх - архи сархадад толгойгоо мэдүүлэх
• ургацын далай - а. Тариа, ногооны ургац сайтай нь; б. Ногоо ихтэй хоол
• далай даян - улсын наадамд гурваас дөрвөн удаа түрүүлсэн бөхийн цол
• далай лам - шашны тэргүүн ламтан
• далай хаан - хамгийг захирагч их хаан
• далай цэцэн - агуу цэцэн мэргэн

---

Ижил үг

ДАЛАЙ I

Холбогдох зураг одоогоор алга байна.