Оймсны гадуур, хөлд өмсөх гадуур өмсгөл: буриад гутал (зөөлөн дулаан гутал) - дэлгэрэнгүй...Сэмжид пийшингийнхээ цаанаас гарч ирэхдээ гэрийн муу дээлээ сольж, шинэвтэр жигүүнэн дээл, ширмэл ултай буриад гутал өмсжээ. С. Эрдэнэ. Хөх хулгана жил., монгол гутал (нүүдэлчдийн аж байдалд зохицсон, угсаатны ёс заншлаас үүдэн хэлбэрийн хувьд нутаг нутагт бага зэрэг ялгаатай, хоншоор ээтэн, ул өргөн, зулаг түрийд хавчаар барьж оёсон өргөн түрийтэй, уужим боомтой гутал) - Алив чамд үүнийг гээд тахилтай авдрынхаа араас шинэ монгол гутал гаргаж өгвөл Буд гуай самсаа нь шархиран нулимс гүйлгэнэсэн нүдээ нухална. Д. Энх-Амгалан. Хөгшид., савхин гутал (савхиар хийсэн урт түрийтэй гутал) - Нөгөө хүн мориноосоо буугаад өврөө уудалж, савхин гутал, бор хилэн өмд цамц, чихэр боов хүүд өгөв. М. Эрдэнэбат. Хөлгүй цэнхэр нуур., тоохуу гутал (үхрийн элдсэн арьсан таваг, эсгий оймс, элдсэн суран цараг, уяа зэргээс бүрддэг торгууд гутал), усны гутал (бороо усанд өмсөх ус нэвтэрдэггүй гутал) - Тэр замаар морин тэрэг хөдөлж, түүний хойноос цагаан алчуураар толгойгоо боож, усны гутал өмссөн Мядаг алхана. Ч. Гомбо. Анхны алхам., шалбуур гутал (түүхий арьсыг хөлнөөс хүйс хүргэн бүхлээр нь хийсэн ус гатлахад өмсөх гутал), эсгий гутал (эсгийгээр хийсэн өвлийн гутал) - Нэхий дээлэн дээр зузаан хүрэм давхарлаж хуучивтар үнэгэн малгай, том цагаан эсгий гутал өмссөн тэр өвгөн, даарахын зовлонгүй боловч нүдэнд нь усан хүрээ татаад, хээр хөдөө тун ч хүйтэн байгааг илтгэнэ. П. Пүрэвсүрэн. Барометр луузан., гутлын омог (гутлын түрийн дээд ирмэг), гутлын хамар (гутлын өмнө үзүүр), гутлын боом (зулаг түрий хоёрын уулзвар), гутлын зуузай (гутлын өсгийн дотор талд тавих хатуулга) - Балжин гуайн өвөл өмсдөг эсгий хавчуулж улласан гутлын зуузай сууж, нугарсныг дэвтээн, хатуулга барьж шөрмөсөөр татжээ. З. Дорж. Зүү дагаагүй учиг., гутлын зулаг (монгол гутлын түрий дор залгасан хоёр хажуу) - Өдөржин уул хадаар хэсэж, ой хөвч туулсан Мэргэний ээтэн гутлын зулаг халцарчээ. Т. Султаан. Сүмбэр уулс., гутлын эмжээр (гутлын зулаг, түрийг эмжсэн сарьс), гутлын боолт (гутлыг ханзрахаас хамгаалж тусгайлан хийсэн сур), гутлын өсгий (гутлын улны хойд хэсэг) - Түүний хүрэмний хөвөн энд тэндгүй салмайн зулмарч, нохойд уруулсан мэт агаад хуучин эсгий гутлын өсгий цоорчээ. Т. Султаан. Сүмбэр уулс., гутлын тос (гутал өнгөлөх тос) - - Өнөө Отгон хэмээх хүү өмнөө 2-3 гутлын тос, сойз тавин сууна. Н. Уранчимэг. Дээд тэнгэр, доод газар., гутлын тэвчээр (зулаг ул хоёрын завсар барьж хавчуулсан юм) гутлын үйлдвэр (гутал хийх газар), гутлын хавчаар (зулаг түрий хоёрын завсар хавчуулсан юм), гутлын хэв (гутлын хэлбэрийг гаргадаг мод), гутлын хэвлүүр (гутал хийхэд хэрэглэх хөлийн хэлбэр бүхий хэлбүүр мод), гутал хувцас [хоршоо] (өмсөх хувцас) - Түүнд үстэй дээл, гутал хувцас, чөдөр ногтны тасархай хүртэл чихээстэй байлаа. Л.Түдэв. Нүүдэл.
- буриад гутал - зөөлөн дулаан гутал
- монгол гутал - нүүдэлчдийн аж байдалд зохицсон, угсаатны ёс заншлаас үүдэн хэлбэрийн хувьд нутаг нутагт бага зэрэг ялгаатай, хоншоор ээтэн, ул өргөн, зулаг түрийд хавчаар барьж оёсон өргөн түрийтэй, уужим боомтой гутал
- савхин гутал - савхиар хийсэн урт түрийтэй гутал
- тоохуу гутал - үхрийн элдсэн арьсан таваг, эсгий оймс, элдсэн суран цараг, уяа зэргээс бүрддэг торгууд гутал
- усны гутал - бороо усанд өмсөх ус нэвтэрдэггүй гутал
- шалбуур гутал - түүхий арьсыг хөлнөөс хүйс хүргэн бүхлээр нь хийсэн ус гатлахад өмсөх гутал
- эсгий гутал - эсгийгээр хийсэн өвлийн гутал
- гутлын омог - гутлын түрийн дээд ирмэг
- гутлын хамар - гутлын өмнө үзүүр
- гутлын боом - зулаг түрий хоёрын уулзвар
... үргэлжлүүлэн харах ...
Ижил үг
