БҮРЭГ I  

Тод биш, бүдэг бадаг, цагаан биш, хар биш: бүрэг гэрэл (тод биш гэрэл) дэлгэрэнгүй...- Нэг мэдэхэд өмнөд нэг ууланд үдшийн бүрэг гэрэл тунаж, сэв сэмхэн болжээ. Д.Нацагдорж. Зохиолууд., бүрэг хар (харавтар), бүрэг цай (сүү багатай цай, өнгийг нь хувиргах төдий сүлсэн цай), бүрэг бараг ~ бараг бүрэг [хоршоо] (гэрэл гэгээ бага, тод биш) - Наймаа хот бүрэг бараг сүүмэлзэн торолзоно. Т.Дэчингунгаа. Өөдрөг зам., бүрэг бараг болох (бүдэг бадаг болох) - Наран үүлний зузаанд бүрэг бараг болоход Буурал их л цухалдаж... В.Инжаннаши. Хөх судар., бүрэг хараас бүр хар дээр [зүйр цэцэн үг] (а. Ухаан муутаас зүс муут дээр гэсэн санаа; б. Муу ч, сайн ч юмыг гүйцэд хий гэсэн санаа).

• бүрэг гэрэл - тод биш гэрэл
• бүрэг хар - харавтар
• бүрэг цай - сүү багатай цай, өнгийг нь хувиргах төдий сүлсэн цай
• бүрэг бараг~бараг бүрэг - гэрэл гэгээ бага, тод биш
• бүрэг бараг болох - бүдэг бадаг болох
• бүрэг хараас бүр хар дээр - а. Ухаан муутаас зүс муут дээр гэсэн санаа; б. Муу ч, сайн ч юмыг гүйцэд хий гэсэн санаа

БҮРЭГ II