Үйлт нэрийн хэлбэрээр байгаа асуух төлөөний үг; хэрхэх: яах аргагүй (а. Учир зүйг эрж арга олохгүй дэлгэрэнгүй...бэрхшээх, гайхахад хэлэх үг - Яах аргагүй өөрийнх нь нийгэмчилсэн ирэг дутуу байлаа. С.Дашдооров. Говийн өндөр; б. Яагаад ч үл болох - Янаг амраг гэгч нь эмзэг гэдэг нь яах аргагүй. Д.Нацагдорж. Бүрэн түүвэр), яах вэ (а. Лавлан асуухад хэлэх үг - Харин яах вэ? Л.Түдэв. Нүүдэл; б. Ажил үйлийг шаардан тулгахад хэлэх үг - Тэгэхгүй гээд яах вэ дээ. Д.Мягмар. Нийлэх замын уулзварт; в. Зөвшөөрөхөд хэлэх үг - Дуу нийлүүлэн тэгэлгүй яах вэ, тэгэлгүй яах вэ гэлцэв. Ц.Уламбаяр. Зовлон жаргал), тэр яах вэ (түүнийг анзаарах хэрэггүй) - За тэр ч яах вэ. Ц.Уламбаяр. Зовлон жаргал., яах чинь вэ (хүний үг, явдал хэргийг буруушаахад хэрэглэх үг), яах нь вэ (хэрхэх нь вэ) - Цаад айл амьтандаа амсуулахаа бодохгүй хамаг чихрээ надад өгөөд яах нь вэ гэв. “Цог” сэтгүүл., яах билээ? (а. Юу хийвэл зохих вэ?, хэрхэх билээ? - Ноён үнэхээр дээд төрлийн хүн болохоор би хаа хэндээ хэлэх вэ, тавилан ийм хойно бүсгүй хүн яах билээ? С.Удвал их хувь заяа; б. Саад бэрхшээлтэй зүйл тохиолдоход бачимдан хэлэх үг), яах юм бэ (хэрхэхийг лавлахад хэлэх үг) - Согтуу хүн байвал яах юм бэ. Л.Дашням. Бурхантын цэцэг., яавал дээр вэ? (бэрхшээлтэй үйл явдал тохиолдож, ихэд бачимдахад өгүүлэх үг) - Тэгээд яавал дээр вэ гэж тантай зөвлөлдөх санаатай байна. Ж.Пүрэв. Гурван зангилаа., яавал яаг (өөрөө мэдэг), яавал яатугай (дураараа болог), яавал сайн (учрыг олохгүй зүйлд арга зүйг асууж лавлахад хэрэглэх үг), яагаа вэ (юу болоо вэ) - Ойрдоо манай клубээр үзэгдэхгүй яагаа вэ? Ц.Уламбаяр. Зам ямар байна., яагаа ч үгүй (а. Юу ч хийгээгүй, ямар ч юм болоогүй - Тэр яагаа ч үгүй зүгээр л сууж байна. Яриа; б. Юмны дуусах болоогүй, хэмжээндээ хүрээгүй), ажил тарах яагаа ч үгүй (ажил тарах болоогүй) - Өглөөний хурц наран гарч, бага үд яагаа ч үгүй хэр нь газар цонож, элс сайр даган нарлан хэвтэгсэд, өнгийн цэцэг адил үзэсгэлэнтэй гоё харагдана. Л.Дашням. Бурхантын цэцэг., яадаг юм бэ (тоомсорлохгүй, зөвшөөрөхгүй байгаагаа илэрхийлэх утгатай үг) - Хүний эхнэр болоод ч яадаг юм. С.Удвал. Та бид уулзана., яадаг билээ (яах, хэрхэх билээ) - Аав ээж минь яадаг билээ. C.Буяннэмэх. Түүвэр зохиол., яаж ийж (үйл хэргийг бүтээх, гүйцэтгэхэд арай чармайн өнгөрүүлсэн нь) - Хэнийг ч, яаж ийгээд юунд ч, итгүүлж орхих зальтай хүн шүү. Ж.Пүрэв. Гурван зангилаа.
- яах аргагүй - а. Учир зүйг эрж арга олохгүй бэрхшээх, гайхахад хэлэх үг; б. Яагаад ч үл болох
- яах вэ - а. Лавлан асуухад хэлэх үг; б. Ажил үйлийг шаардан тулгахад хэлэх үг; в. Зөвшөөрөхөд хэлэх үг
- тэр яах вэ - түүнийг анзаарах хэрэггүй
- яах чинь вэ - хүний үг, явдал хэргийг буруушаахад хэрэглэх үг
- яах нь вэ - хэрхэх нь вэ
- яах билээ - а. Юу хийвэл зохих вэ, Хэрхэх билээ - Ноён үнэхээр дээд төрлийн хүн болохоор би хаа хэндээ хэлэх вэ, тавилан ийм хойно бүсгүй хүн яах билээ С.Удвал их хувь заяа.,; б. Саад бэрхшээлтэй зүйл тохиолдоход бачимдан хэлэх үг
- яах юм бэ - хэрхэхийг лавлахад хэлэх үг
- яавал дээр вэ - бэрхшээлтэй үйл явдал тохиолдож, ихэд бачимдахад өгүүлэх үг
- яавал яаг - өөрөө мэдэг
- яавал яатугай - дураараа болог
... үргэлжлүүлэн харах ...- яавал сайн - учрыг олохгүй зүйлд арга зүйг асууж лавлахад хэрэглэх үг
- яагаа вэ - юу болоо вэ
- яагаа ч үгүй - а. Юу ч хийгээгүй, ямар ч юм болоогүй - Тэр яагаа ч үгүй зүгээр л сууж байна. Яриа; б. Юмны дуусах болоогүй, хэмжээндээ хүрээгүй
- ажил тарах яагаа ч үгүй - ажил тарах болоогүй
- яадаг юм бэ - тоомсорлохгүй, зөвшөөрөхгүй байгаагаа илэрхийлэх утгатай үг
- яадаг билээ - яах, хэрхэх билээ
- яаж ийж - үйл хэргийг бүтээх, гүйцэтгэхэд арай чармайн өнгөрүүлсэн нь
