ШОРГООЛЖ (амьтан)  

Биеийн дунд хэсгээр нарийн, зуувгар, газарт нүх хийж бүлээр амьдардаг шавж, төрөл зүйл олон - дэлгэрэнгүй...Аалзны дараа шоргоолж ч гарчихсан, эрвээхий ч нисэлдчихсэн, тэгээд нэг мэдсэн чинь зөгийнүүд дүнгэнэлдэж байдаг биз дээ. Б.Бааст. Алтайн хөх дөнөн., шоргоолжны үүр (шоргоолжны амьдрах оромж маягийн зүйл), шоргоолжны хүчил (шоргоолжноос ялгарах исгэлэн амт бүхий шингэн), алаг шоргоолж [амьтан] (чээж болон бөгс нь хар, дунд бие нь шаравтар нэг зүйл шоргоолж), морин шоргоолж [амьтан] (том хар өнгөтэй том шоргоолж) - Би говийн бударганы ёроол дахь морин шоргоолжны үүрийг саналаа. Д.Маам. Тэмээний дууль., улаан шоргоолж [амьтан] (а. Ойд байдаг улаан өнгийн нэгэн зүйл шоргоолж; б. Хатгууртай дайсан руугаа бөөнөөр дайрдаг, Өмнөд Африкийн шоргоолж), үүрийг нь хөндсөн шоргоолж шиг [зүйр цэцэн үг] (үймэлдэн сандрах) - Гэвч энд дэлт саарал ганцаараа үзэлцэж байгаа юм биш, түүний хажуугаар нутгийн чонон сүрэг үүрийг нь хөндсөн шоргоолж шиг байв. Б.Бааст. Алтайн хөх дөнөн.

---

• шоргоолжны үүр - шоргоолжны амьдрах оромж маягийн зүйл
• шоргоолжны хүчил - шоргоолжноос ялгарах исгэлэн шингэн
• алаг шоргоолж - чээж болон бөгс нь хар, дунд бие нь шаравтар нэг зүйл шоргоолж
• морин шоргоолж - том хар өнгөтэй том шоргоолж
• улаан шоргоолж - а. Ойд байдаг улаан өнгийн нэгэн зүйл шоргоолж; б. Хатгууртай дайсан руугаа бөөнөөр дайрдаг, Өмнөд Африкийн шоргоолж
• үүрийг нь хөндсөн шоргоолж шиг - үймэлдэн сандрах