ШАТАР  

Бүгд арван зургаан дүрсийн хос юмыг, хоёр хүн тусгай хөлөгт жагсаан өрж талцан наадах тоглоом: дэлгэрэнгүй...шатар нүүх (шатар тоглох) - Даргатай шатар хэд нүүлээ. Өгөө аваатай юм шиг байна. Б.Догмид. Цэнхэрлэн харагдана., шатар өрөх (шатраа хөлөг дээр байрлуулах) - Хөгжилтэй хөгтэй хоёр залуу анчин ч, хөлгөө дэлгээд шатраа өрж эхлэв. Ч.Лхамсүрэн. Шүлэг., шатар тавих (шатар тоглох) - Магсаржавыг нутагтаа очиход бэлэг сэлттэй морилон ирж шатар тавьж, сур харван саатаж найр тавьж явдаг байлаа. С.Удвал. Их хувь заяа., шатрын аварга (шатар тоглоход түрүүлсэн хүн), дэлхийн шатрын аварга (дэлхийн шатрын аварга шалгаруулах тэмцээнд түрүүлсэн шатарчин), шатрын хүү (шатрын хамгийн бага дүрс) - Тэртээ цаад захад нь байгаа адуу тэмээ их усны сүрд дарагдан шатрын хүү адил өчүүхэн харагдана. Б.Догмид. Цэнхэрлэн харагдана., шатрын ноён (шатрын ноён бүхий их дүрс) - Тэр шатрын хар талын ноён нь шинэдээ уран хийцтэй байв. Ж.Пүрэв. Гурван зангилаа., шатрын хөлөг (шатар наадах тусгай талбар) - Шатрын хоосон хөлөг дээрх хоёр ноён шиг байв. Б.Бааст. Алтайн цэцэг., монгол шатар (монгол хийцийн, монгол урчуудын бүтээсэн шатар), шатар даам [хоршоо] (дөрвөлжин хөлөг дээр, цагаан хараар тэмцэн тоглох дүрэм адилгүй хөлөгт тоглоом).

• шатар нүүх - шатар тоглох
• шатар өрөх - шатраа хөлөг дээр байрлуулах
• шатар тавих - шатар тоглох
• шатрын аварга - шатар тоглоход түрүүлсэн хүн
• дэлхийн шатрын аварга - дэлхийн шатрын аварга шалгаруулах тэмцээнд түрүүлсэн шатарчин
• шатрын хүү - шатрын хамгийн бага дүрс
• шатрын ноён - шатрын ноён бүхий их дүрс
• шатрын хөлөг - шатар наадах тусгай талбар
• монгол шатар - монгол хийцийн, монгол урчуудын бүтээсэн шатар
• шатар даам - дөрвөлжин хөлөг дээр, цагаан хараар тэмцэн тоглох дүрэм адилгүй хөлөгт тоглоом