1. [шашин] Шашны лам нар олноороо цуглаж, шашны янз бүрийн зан үйл гүйцэтгэх цуглаан: хурал хурах дэлгэрэнгүй...(лам нарын тогтсон хугацаанд хийдэд цугларан сууж ном унших) - Хийдийн гол сүмд олон мянган зул ярайтал өргөөд, шөнийн хурал хурж, маш олон хүн мөргөж байна. Ц.Уламбаяр. Зовлон жаргал., хурал хуруулах (лам нараар ном уншуулах), хурал хийлгэх (хурал хуруулах) - Наян тохой өндөр жанрайсэгийг босгож гүйцээд, Богдод айлтгасанд, ёслол хурал хийлгэж, өөрийн биеэр мөнхүү бурхантай сүмд очсон цаг саяхан. Л.Түдэв. Алтан гадас чигийг заана., хурал цэглэх (хурал дуусах), хурал ном [хоршоо] (лам нар олноороо цуглаж, шашны ном уншиж элдэв зан үйл хийх нь) - Бандид гэгээний хийдэд олон лам нартай танилцан, хурал номд нь оролцон суув. Ц.Уламбаяр. Зовлон жаргал., хурал ном гэвэл хойшоо ухрах, хувь түгээнэ гэвэл ханцуйгаа шамлах [зүйр цэцэн үг] (эрдэм номд дургүй гэсэн санаа);
2. [шилжсэн] Лам нар цуглаж шашныхаа зан үйлийг гүйцэтгэх багахан газар: хийд, жас:
хуралд очих (хийдэд очих)
дэлгэрэнгүй...- Лам: -Зүүн хүрээнд хуралд очиж явна. Д.Нацагдорж. Ламбагуайн нулимс.
Ижил үг