1. Ямарваа байгууллага болон хамт олон цугларан, үйл ажиллагааныхаа талаар зөвлөн хэлэлцэх цуглаандэлгэрэнгүй... - Нэг өдөр хурал болох зар тарж, зарлага охин “Надмид гуайг заавал очоорой” гэсэн шүү гэж гурав дахин ирж хэллээ. Г.Жамьян. Гал атгасан гар., хурал завсарлах (а. Хурал цуглааны дунд түр зуур амсхийх - За нөхөд минь энэ хурлаа түр завсарлая. Ж.Лодой. Бүрхэг шөнө; б. Тогтмол хугацаатай хуралдах байгууллага нэгэн удаагийн цуглаанаа дуусаад дараачийн цуглаан болтол амсхийх), хурал нээх (хурал эхэлснийг мэдэгдэх) - Шүтээний өргөөний хоймор талд бичээч Гэрэл сууж, эвлэлийн үүрийн тэргүүн даргын хувьд хурлаа нээв. С.Дашдэндэв. Улаан наран., хурал тарах (хурал дуусах) - Хүмүүс энэ явдлыг хуулийн газраар магадлуулахаар болж хурал тарав. Л.Түдэв. Уулын үер., хурал хаах (хурал төгссөнийг мэдэгдэх) - Бөмбөгөр цагаа хараад ердийнхөөрөө эелдэг намуухан аялгаар “Маргааш болтол хурлаа хаах цаг одоо болсон юм шиг байна” гэж хэлэв. Б.Полевой. Эцсийн бүлэгт., хурал хийх (хурал цуглаан болох, хуралдах) - Өртөөчин нарыг цуглуулж, хошуу нийтийн хурал хийж сонгууль явуулах өдрийг тогтоосон зарыг, олонд хүргэхээр зүг бүрд мордуулав. Ч.Лодойдамба. Тунгалаг Тамир., хурал хуралдах (хурал хийх)-Долоодугаар хурал хуралдсанаас хойш олон албан газрын хүмүүс их л өөрчлөгдөж шинэ хүмүүс оржээ. Ши.Аюуш. Түүвэр зохиол., хурлын ажиллагаа (хурлын үйл явц), хурлын дарга (хурлыг тэргүүлэн удирдах хүн) - Хурлын дарга босож тогтоол уншиж эхлэв. С.Дашдооров. Айлын хүүхэн Алигэрмаа., хурлын завсарлага (хурлын үеэр түр гадаалах хором) - Их хурлын завсарлагаар төлөөлөгчид “Бадрах мөнх бамбарын тухай” яруу найргийн бадаг адил хоорондоо ярилцаж байхыг сонссон юм. М.Чойжил. Андын нутаг алсдахгүй., хурлын индэр (хуралд үг хэлэх хүмүүст зориулж тусгайлан зассан тавцан) - Төрийн дээд шагнал хүлээж авсан энэ эмэгтэй, хурлын индэр рүү хурдан хурдан алхаж очлоо. Г.Жамьян. Гал атгасан гар., хурлын протокол (хурлын албан ёсны тэмдэглэл) - Миний сая иш татсан болон иймэрхүү бусад баримт бичиг дэс дугаарт ороод, хурлын протоколд хавсаргадаж орсон болно. “Цог” сэтгүүл., хурлын танхим (хурал хийх өрөө, тасалгаа) - Хурлын танхим дахь хүмүүсийн нүүр царайд баяр хөөр дүүрэн байв. Б.Бааст. Хяруу унах цагаар., хурлын товч (хурлын гол агуулга ба асуудлын хураангуй тэмдэглэл), хурлын тогтоол (хурлаар хэлэлцэн баталж, гаргасан шийдвэр) - Тэр их хурлын тогтоолыг олж сайтар уншигтун, тийн аваас цөмийг мэднэ. Д.Гонгор нар. Д.Сүхбаатарын тухай дуртгалууд., хурлын төлөөлөгч (хуралд сонгогдсон хүн, зочин) - Улмаар Москвагаас ирэх тэр хурлын төлөөлөгчтэй хамтран цааш явах болно. Ж.Дамдин. Миний монгол., хурлын тэргүүлэгч (хурлыг эрхлэн удирдах хүмүүс) - Хурлын тэргүүлэгчид сонгоё гэж дөрвөн хүний нэр хэлэхэд гар өргөж баталцгаав. С.Удвал. Их хувь заяа., хурлын шийдвэр (хурлын тогтоол) - Нэг өдөр хичээлийн дараа долоо, наймдугаар ангийнхан, хурлын шийдвэр таниулна гэж зарлаж байна. С.Лочин нар. Галтай залуу нас., бага хурал (улс, олон нийтийн байгууллагын төлөөлөгчдийн хурал зөвлөгөөн), баярын хурал (ямарваа нэгэн тэмдэглэлт, түүхт ойн баярт зориулсан хурал) - Хурлын нөгөөдөр нь манай дарга Шагж баярын хуралд оролцох урилга өгөв. Т.Рэнцэн. Шинэ даваа., бүгд хурал (аливаа нэг хороо, байгууллагын бүх гишүүдийн оролцсон хурал), их хурал (улс, олон нийтийн болон ямар нэгэн байгууллагын дээд эрхийг барих төлөөлөгчдийн хурал), намын үүрийн бүх гишүүдийн хурал [хуучирсан] (намын үүрийн бүх гишүүд оролцсон хурал) - Саяхан аймгийн төвийн нэгэн байгууллагын дэргэдэх намын үүрийн хурал болжээ. Т.Рэнцэн. Шинэ даваа., улсын сайн малчны хурал [хуучирсан] (малаа сайн өсгөсөн, тэргүүний малчид уулзаж туршлагаа харилцан солилцох хурал) - Би улсын сайн малчны хуралд явах болов. Ш.Гаадамба. Элбэг дээл., нэгдлийн гишүүдийн хурал [хуучирсан] (нэгдэлд элссэн хүмүүсийн цуглаан) - Өдөр нь нэгдлийн гишүүдийн хурал болж “Малаа нэг тийш нь болгохгүй бол сүйд болох нь” гэж ярилцлаа. С.Удвал. Та бид уулзана., тэргүүлэгчдийн хурал (тухайн байгууллагын удирдах хүмүүсийн хурал) - Үл бүтэх этгээд хэмээх тул бидний тэргүүлэгчдийн хурлаар түүнийг гишүүнд авахыг татгалзсан юм даа. Ши.Аюуш. Түүвэр зохиол., хаалттай хурал (цөөн хүний бүрэлдэхүүнтэй олон нийт болон хэвлэл мэдээллийнхэнд нээлттэй бус хурал) - Шүүх хурлын хаалттай хурлууд дээр юу болдог тухай бидэнд бүдэг бадаг цуурхал л хүрнэ. Б.Полевой. Эцсийн бүлэгт; хөдөлмөрчдийн хурал [хуучирсан] (ажилчдын хурал), хэвлэлийн бага хурал (хэвлэл, мэдээллийнхнийг байлцуулан мэдэгдэл хийх хурал) - Энд голдуу хэвлэлийн бага хурал болж, гадаадын сэтгүүлчид цуглардаг юм. М.Чойжил. Андын нутаг алсдахгүй., шүүх хурал (аливаа гэмт хэрэгтнийг байцаан шийтгэх хурал) - Шүүх хурлын явцад ялсан улсууд хоорондоо муудалцаж, шүүх хурал хүчингээ алдаад ирнэ, тэгэхлээр нь бид хариуцлагаас мултрах байх гэж боджээ. “Утга зохиол урлаг” сонин., эвлэлийн үүрийн хурал [хуучирсан] (эвлэлийн үүрийн бүх гишүүдийн хурал) - Эвлэлийн үүрийн хуралд явж үзэхээс яах вэ гэж бүсгүйг дургүйцэнгүй хэлэв. Д.Цэдэв. Айргийн амт., хуралд очих (хуралд оролцохоор явах) - Түрүүн хуралд очингоо уулзсан юм. Г.Жамьян. Гал атгасан гар., хуралд уригдах (хуралд урилгаар оролцох) - Тэр, хуралд уригдан хүндэт ширээнд суусан байлаа. Ц.Уламбаяр. Зовлон жаргал., хурлаар хэлэлцэх (тухайн асуудлыг хамт олны саналыг үндэслэн, ярилцан шийдэх) - Гэвч нийтийн хурлаар хэлэлцэж хэрхэхийг тогтоох буй за хэмээхэд... Ши.Аюуш. Түүвэр зохиол., хурал зөвлөгөөн [хоршоо] (хуран чуулах, зөвлөх үйлийн нэр) - Хурал зөвлөгөөн дээр зүс үзээгүй буюу баяр ёслолын талбайд тавигддаг байв. Ш.Гаадамба. Элбэг дээл., хурал семинар [хоршоо] (уулзалт яриа, мэргэжил дээшлүүлэх түр сургалт) - Хурал семинар болох байхаа даа гэв. С.Дашдооров. Говийн өндөр., хурал хуй [хоршоо] (олон хүмүүсийн хэрэг зөвлөлдөх цуглаан), хурал цуглаан [хоршоо] (олон хүн хурж цуглан асуудал хэлэлцэх нь) - Өглөөнөөс аваад хурал цуглаан, олон нийтийн ажил, туршлагын сургууль, үзүүлэх сургууль гээд амсхийх чөлөө байхгүй. Г.Жамьян. Гал атгасан гар., хурал чуулган [хоршоо] (олон хүний хурах, чуулах үйлийн нэр) - Ямар нэг хурал чуулганд, гишүүд бид бөөнөөрөө нэгэн дор байж тэр хурлын илтгэл зэргийг сайтар мэдэж байв. Ж.Дамдин. Үймээний жил;
2. Сонгуулиар байгуулсан зарим дээд байгууллага:
Улсын бага хурал [хуучирсан] (Улсын их хурлын чөлөө цагт БНМАУ-ын төрийн эрхийг
дэлгэрэнгүй...барьж хэрэгжүүлж байсан сонгуулийн дээд байгууллага), Улсын Их Хурал (Төрийн эрх барих ард түмний төлөөлөгчдийн дээд байгууллага) - Улсын анхдугаар Их хуралд оролцож, түүнээс улсын бага хурлын гишүүнээр сонгогдож явсан манай ахмад ажилтан билээ. Ж.Дамдин. Үймээний жил., Их Хурлын гишүүн (сонгуулийн хуулиар ард түмний дундаас их хуралд сонгогдсон хүн) - Энэтхэг улсын их хурлын гишүүн хүн, тус Монгол улсад хүрэлцэн ирж... Б.Ринчен. Өмнө этгээдэд зорчсон тэмдэглэл.
- хурал завсарлах - а. Хурал цуглааны дунд түр зуур амсхийх; б. Тогтмол хугацаатай хуралдах байгууллага нэгэн удаагийн цуглаанаа дуусаад дараачийн цуглаан болтол амсхийх
- хурал нээх - хурал эхэлснийг мэдэгдэх
- хурал тарах - хурал дуусах
- хурал хаах - хурал төгссөнийг мэдэгдэх
- хурал хийх - хурал цуглаан болох, хуралдах
- хурал хуралдах - хурал хийх
- хурлын ажиллагаа - хурлын үйл явц
- хурлын дарга - хурлыг тэргүүлэн удирдах хүн
- хурлын завсарлага - хурлын үеэр түр гадаалах хором
- хурлын индэр - хуралд үг хэлэх хүмүүст зориулж тусгайлан зассан тавцан
... үргэлжлүүлэн харах ...- хурлын протокол - хурлын албан ёсны тэмдэглэл
- хурлын танхим - хурал хийх өрөө, тасалгаа
- хурлын товч - хурлын гол агуулга ба асуудлын хураангуй тэмдэглэл
- хурлын тогтоол - хурлаар хэлэлцэн баталж, гаргасан шийдвэр
- хурлын төлөөлөгч - хуралд сонгогдсон хүн, зочин
- хурлын тэргүүлэгч - хурлыг эрхлэн удирдах хүмүүс
- хурлын шийдвэр - хурлын тогтоол
- бага хурал - олон улсын болон албан байгууллагын төлөөлөгчдийн зөвлөгөөн
- баярын хурал - ямарваа нэгэн тэмдэглэлт, түүхт ойн баярт зориулсан хурал
- бүгд хурал - аливаа нэг хороо, байгууллагын бүх гишүүдийн оролцсон хурал
- их хурал - улс, олон нийтийн болон ямар нэгэн байгууллагын дээд эрхийг барих төлөөлөгчдийн хурал
- намын үүрийн бүх гишүүдийн хурал - намын үүрийн бүх гишүүд оролцсон хурал
- улсын сайн малчны хурал - малаа сайн өсгөсөн, тэргүүний малчид уулзаж туршлагаа харилцан солилцох хурал
- нэгдлийн гишүүдийн хурал - нэгдэлд элссэн хүмүүсийн цуглаан
- тэргүүлэгчдийн хурал - тухайн байгууллагын удирдах хүмүүсийн хурал
- хаалттай хурал - цөөн хүний бүрэлдэхүүнтэй олон нийт болон хэвлэл мэдээллийнхэнд нээлттэй бус хурал
- хөдөлмөрчдийн хурал - ажилчдын хурал
- хэвлэлийн бага хурал - хэвлэл, мэдээллийнхнийг байлцуулан мэдэгдэл хийх хурал
- шүүх хурал - аливаа гэмт хэрэгтнийг байцаан шийтгэх хурал
- эвлэлийн үүрийн хурал - эвлэлийн үүрийн бүх гишүүдийн хурал
- хуралд очих - хуралд оролцохоор явах
- хуралд уригдах - хуралд урилгаар оролцох
- хурлаар хэлэлцэх - тухайн асуудлыг хамт олны саналыг үндэслэн, ярилцан шийдэх
- хурал зөвлөгөөн - хуран чуулах, зөвлөх үйлийн нэр
- хурал семинар - уулзалт яриа, мэргэжил дээшлүүлэх түр сургалт
- хурал хуй - олон хүмүүсийн хэрэг зөвлөлдөх цуглаан
- хурал цуглаан - олон хүн хурж цуглан асуудал хэлэлцэх нь
- хурал чуулган - олон хүний хурах, чуулах үйлийн нэр
- Улсын бага хурал - Улсын их хурлын чөлөө цагт БНМАУ-ын төрийн эрхийг барьж хэрэгжүүлж байсан сонгуулийн дээд байгууллага
- Улсын Их Хурал - Төрийн эрх барих ард түмний төлөөлөгчдийн дээд байгууллага
- Их Хурлын гишүүн - сонгуулийн хуулиар ард түмний дундаас их хуралд сонгогдсон хүн
Ижил үг
