ХӨВӨЛЗӨХ  

1. Хөнгөн, зөөлөн юм салхины аясаар хөдлөх: майхан хөвөлзөх (майхан салхинд хөвхөлзөн дэрвэх);

---

2. Зөөлөн зузаан юмыг дарахад бамбалзах: гудас хөвөлзөх (гудас бамбалзах);

---

3. Үүл алгуур аажмаар нүүх: үүл хөвөлзөх (үүл аажмаар нүүх) - дэлгэрэнгүй...Цав цагаан үүл хөх тэнгэрт хөвөлзөнө, цаст цагаан уул түүний дор сүндэрлэнэ. Ц.Дамдинсүрэн. Түүвэр зохиол;

---

4. Онгоц, завь зэрэг усны долгионы аясаар хөдлөх: усан дээр завь хөвөлзөх (усны дээр завь дайвалзах);

---

5. Морь мал хөнгөн зөөлөн явдлаар явах;

---

6. [шилжсэн] Сэтгэл догдолж тогтвор алдах: мөрөөдлийн орчинд хөвөлзөх (сэтгэлдээ сайхан зүйл бодож төсөөлөх, хоосон бодолд автах), дэлгэрэнгүй...сэтгэл хөвөлзөх (сэтгэл тогтворгүй болох), хамаг юм нүдний өмнүүр хөвөлзөх (сэтгэл ихэд догдолсноос үзсэн, харсан зүйл бодол санаанд дараа дараагаар төсөөлөгдөх).

---

• майхан хөвөлзөх - майхан салхинд хөвхөлзөн дэрвэх
• гудас хөвөлзөх - гудас бамбалзах
• үүл хөвөлзөх - үүл аажмаар нүүх
• усан дээр завь хөвөлзөх - усны дээр завь дайвалзах
• мөрөөдлийн орчинд хөвөлзөх - сэтгэлдээ сайхан зүйл бодож төсөөлөх, хоосон бодолд автах
• сэтгэл хөвөлзөх - сэтгэл тогтворгүй болох
• хамаг юм нүдний өмнүүр хөвөлзөх - сэтгэл ихэд догдолсноос үзсэн, харсан зүйл бодол санаанд дараа дараагаар төсөөлөгдөх

Холбогдох зураг одоогоор алга байна.