ХОЛДОХ  

1. Улам хол болох: холдон одох (улам хол одох) -дэлгэрэнгүй... Хонгор чамайг байхад гэр дүүрэн баяр, холдож одохын чинь цагт алчуур дүүрэн нулимс. Б.Жамд. Сэтгэлийн нууц., *ханан гэр холдож, хадан гэр ойртох (үхэх дөхөх) - Хууччуулын үгээр ханан гэр холдож, хадан гэр ойртож байгаагийн дохио. С.Лочин. Сэтгэлийн өнгө., *хөхүүрийн ам холдож, хүйтний ам ойртох (хүйтрэх, хүйтний улирал эхлэх) - Хөхүүрийн ам холдож, хүйтний ам ойртож байгаагийн тэмдэг ажээ. Ц.Уламбаяр. Зовлон жаргал;

---

2. Салах, хагацах - Нөхрөөсөө бараг холдож үзээгүйн улмаас ганц жилийг их л залхаж өнгөрөөв гэргий нь. Ж.Бямбаа. Их аяныхан., эв нь холдох (эв нь салах);

---

3. Төрөл садны холбоо алслах: төрөл холдох (төрлийн холбоо алслах, төрөл биш болох).

---

• холдон одох - улам хол одох
• ханан гэр холдож хадан гэр ойртох - үхэх дөхөх
• хөхүүрийн ам холдож хүйтний ам ойртох - хүйтрэх, хүйтний улирал эхлэх
• эв нь холдох - эв нь салах
• төрөл холдох - төрлийн холбоо алслах, төрөл биш болох

Холбогдох зураг одоогоор алга байна.