Хоол боловсруулах, булчинлаг ханатай уут мэт эрхтэн - дэлгэрэнгүй...Түүний бор ходоод нэг хонь хөхөхөд цадавч, сэтгэл нь сүүн далай юүлсэн ч өл залгахын янзгүй. Д.Цэдэв. Айргийн амт., ходоодны шүүс (хоол боловсруулах шингэн), ходоодны үрэвсэл (ходоодны салстын үрэвсэл), ходоод бордох (бог малын ходоодонд махны цөвдлийг хэрчиж, амтлан хийх), ходоод буух (а. Ходоод өвдөх; б. Мариалж их гэдэс гарах), ходоод муудах (хоол боловсруулах эрхтэн өвчлөх), ходоод орших (цутгасан ходоодыг чанахад хялбар болохгүй шүүрхийтэх), ходоод сунах (биеийн галбир, элдэв олиг өвчний улмаас ходоод хэвийн байраасаа доош унжих), ходоод цутгах (бог малын цусыг ходоодон дотор нь хийж, амтлан найруулж бэлдэх), *ходоод халаах юм (архи) - Хоёр хашир лонх юм гарган хуваан ууж, хэн хэнийх нь ходоод халсан бололтой. С.Лочин. Газрын дуун., *баян ходоод (а. Улсын баяр наадмын дааганы уралдаанд сүүлдсэн даага; б. [шилжсэн] Ажил хөдөлмөр, уралдаан тэмцээнд сүүлд барьсан, эцэст орсон хүн), *ходоод хагаравч тогоон дотроо (толгой хэмхрэвч малгай дотроо, тохой хэмхрэвч ханцуй дотроо гэдэгтэй адил), *ходоодныхоо мухарт хийх (бусдад дуулгахгүй ягштал санах, ягштал бодох), ходоодоо идэхэд хоёул болоосой, хонио хариулахад хориул болоосой [зүйр цэцэн үг] (залхуу хойрго мөртөө шунахай гэсэн санаа), ходоод нь хонхон эрдэнэ, хоёр нүд нь лонхон эрдэнэ [зүйр цэцэн үг] (ховдог, хомхой гэсэн санаа).