Харилцах үйлийн нэр, хэлхээ холбоо тогтоох ажиллагаа: харилцаа таслах (ямар ч хэлхээ холбоогүй дэлгэрэнгүй...болох), харилцаа тогтоох (хэлхээ холбоо үүсгэх), харилцаагаа өргөтгөх (хэлхээ холбоогоо зузаатгах, харилцан нэвтрэлцэх ажиллагаагаа улам өргөжүүлэх), агаарын харилцаа (агаараар холбогдох байдал), ах дүүгийн харилцаа (ах дүү мэт хэлхээ холбоо), гадаад харилцаа (бусад улс оронтой тогтоосон хэлхээ холбоо), дипломат харилцаа (улс хоорондын албан ёсны гадаад хамтын ажиллагаа), зам харилцаа (төрөл бүрийн тээвэр хийх ажиллагаа), захидал харилцаа (шуудангийн бүхий л хэлхээ холбоо), нийгмийн харилцаа (эдийн засаг, нийгэм, улс төр, соёлын үйл ажиллагааны үйл явцад нийгмийн бүлэг анги, үндэстний хооронд тогтоох олон янзын холбоо), нөхөрсөг харилцаа (найрсаг дотно харилцаа, нөхөр ёсны харилцаа), нууц харилцаа (далд харилцаа), олон улсын харилцаа (олон улс орны хоорондын хэлхээ холбоо), соёлын харилцаа (соёлын холбоо), утсан харилцаа (цахилгаан утсаар нэвтрэлцэх үйл ажиллагаа), хувийн харилцаа (хувь хүмүүсийн хоорондын харилцаа), худ ургийн харилцаа (гэрлэлтээс үүсэх хүү болон охины талын хүмүүсийн хоорондын харилцаа), шууд харилцаа (дам бус харилцаа), эдийн засгийн харилцаа (хөрөнгө мөнгө, санхүүгээс үүдсэн харилцаа), харилцаа дуу (хоёр этгээд бадаг бадгаар нь ээлжлэн дуулах дуу), харилцаа холбоо [хоршоо] (харилцан бие бие рүүгээ чиглэсэн ажиллагаа).