ХАЗАЙХ  

1. Хажуу тийш хэлбийх, ганхах, цэх биш болох: байшин хазайх (байшин хажуу тийш хэлбийх) -дэлгэрэнгүй... Хуучин цамхаг нь хазайхыг үзэхүл бас л сонин юм үзлээ. Б.Полевой. Эцсийн бүлэгт., шон хазайх (шон цэх биш болох), хазайхад нь тулах, халтирахад нь түших [зүйр цэцэн үг] (нэгнийгээ ядрахад нь тусалж дэмжих гэсэн санаа);

---

2. [шилжсэн] Гол замаас салах, гажих;

---

3. [шилжсэн] Үл дагах, ёсоор эс гүйцэтгэх: зарлигаас хазайх (зарлиг үл дагах) -дэлгэрэнгүй... Хааны зарлигаас хазайх нь хар толгойгоо алдахын цондон. ААЗ;

---

4. [шилжсэн] Үйл ажил бүтэл муутай болох, бүтэлгүйтэх: бүтэл нь хазайх (хэрэг явдал амжилтгүй болох, азгүйтэх) - дэлгэрэнгүй...Бүтэл нь хазайхаар үйлс нь бүтэхгүй юм. Ж.Пүрэв. Гурван зангилаа., *үйлс нь хазайх (ажил үйлс нь бүтэлгүйтэх), *хазайсан дээр нь түлхэх (ядарч буруутаж явахад нь улам буруутгах гэсэн санаа) - Ундрах хилэгнэн –Ингэж ярихаа та нар боль, хүнийг сэтгэлээр унагаах юм чалчиж байх тань хэнд тус хүргэх юм бэ, Түмэннастаа хазайсан дээр нь түлхэх хэрэггүй гэв. Ж.Пүрэв. Ундрах инженер., *ам хазайх (а. Олны ам муудах; б. Гол ярианаасаа хөндийрөх).

---

• байшин хазайх - байшин хажуу тийш хэлбийх
• шон хазайх - шон цэх биш болох
• хазайхад нь тулах халтирахад нь түших - нэгнийгээ ядрахад нь тусалж дэмжих гэсэн санаа
• зарлигаас хазайх - зарлиг үл дагах
• бүтэл нь хазайх - хэрэг явдал амжилтгүй болох, азгүйтэх
• үйлс нь хазайх - ажил үйлс нь бүтэлгүйтэх
• хазайсан дээр нь түлхэх - ядарч буруутаж явахад нь улам буруутгах гэсэн санаа
• ам хазайх - а. Олны ам муудах; б. Гол ярианаасаа хөндийрөх

Холбогдох зураг одоогоор алга байна.