ХАЖУУЛДАХ  

1. Хажуу талаараа суух, хэвтэх -дэлгэрэнгүй... Ойн цагдаа хүнд хөлтэй хөгшин зээрд морин дээрээ хажуулдан, хөглийн харлаж байгаа ойн зүг ширтэн явна. С.Эрдэнэ. Хонгор зул;

---

2. Юмыг хажуу талаар нь тавих;

---

3. Хажуу газраар явах: хажуулдан явах (хажуу газраар явах);

---

4. Хажуугаараа унах - Нэгнийхээ хэлснийг нөгөө нь дуулаагүй бололтой, ташуураа далайтал өндөсхийн чарга нь хажуулдав. Л.Түдэв. Улаан долгион., машин хажуулдах ~ трактор хажуулдах (машин болон трактор хажуу талаараа унах) - Уулын бэлийн тэхий дунд нь хүрээд огцом эргэж жолоогоо мушгитал трактор маань хажуулдан налж золтой л хавиргаараа газар шүргэсэнгүй. Д.Мягмар. Газар бид хоёр;

---

5. [шилжсэн] Түр зуур хэвтэж амрах: жаахан хажуулдах (жаахан хэвтэж амрах) - дэлгэрэнгүй...Дорж энэ завшаанд сүүлийн хэдэн хоног дутуу авсан нойроо гүйцээх гэсэн мэт бүсээ тайлан хажуулдан унав. Д.Намдаг. Цаг төрийн үймээн.

---

• хажуулдан явах - хажуу газраар явах
• машин хажуулдах ~ трактор хажуулдах - машин болон трактор хажуу талаараа унах
• жаахан хажуулдах - жаахан хэвтэж амрах

Холбогдох зураг одоогоор алга байна.