1. Өнгө дүрс нь бүдэг зүйлийг тод болгох - дэлгэрэнгүй...Чанцалын өсөх насны өмсгөл болох хөх дурдан тэрлэг өндөр гоолиг биеийнх нь аясыг тодруулан, хилэн хар үснээс нь танил үнэр анхилах мэт санагдана. С.Эрдэнэ. Малын хөлийн тоос;
2. Юмны утга санаа, учир зүйг тод, тодорхой болгох -
дэлгэрэнгүй...Ингэж Бөхмөрөн нутгийнхан ардын тэмцлийн анхны буун дуунаар дайсныг ялсан түүхийг би олж түүнийг тодруулан сурвалжилсан юм. Н.Батбаяр. Өндөрт хатгасан туг., утга санааг тодруулах (юмны утга санааг тодотгуулах, утга санааг тод, илэрхий болгох), үйл явдлыг тодруулах (болсон үйл явдлыг тод болгох), асуудлыг тодруулах (тавьсан асуудлын утга учир, учир шалтгааныг нь тод болгох);
3. Хүн ааш араншин, сэтгэлийн хөдлөлийн байдлаа ил гаргах -
дэлгэрэнгүй...Хүү амаа өмөлзүүлэн уйлмаар болсноо хамраа мурчисхийлгэж нүүрэндээ инээвхийлэл тодруулав. Д.Цэдэв. Айргийн амт., инээмсэглэл тодруулах (инээмсэглэсэн байдал гаргах);
4. [хуучирсан] Хутагт хувилгаадын дараа үеийг илрүүлэн гаргах -
Хутагт хувилгаад тодруулахыг аль хэдийн төрийн хуулиар хориглосныг мэдэх үү? дэлгэрэнгүй...Н.Надмид. Хүлээс алдарсан нь., хойд дүрийг тодруулах (хутагт хувилгаадын дараа үеийг нь олж илрүүлэх).