1. Нарийн гэдгийн эсрэг утга, юмны хөндлөн тал руугаа хэмжээгээр илүү болоод уужим байдал: дэлгэрэнгүй...өргөн мөрөн (талбайн хэмжээ хөндлөөшөө уужим мөрөн) - Өрлөг баатар чамайг өндөр давааг давуулж өргөн мөрнийг гатлуулж... Монголын нууц товчоо., өргөн тал (талбайн хэмжээ хөндлөн тийшээгээ уудам тал газар), өргөн дээл (өргөөшөө уужим элбэг дээл), өргөн магнай (магнай том) - Өргөн магнайтай тослог бор царай тэр чигээрээ харагдах шиг болов. П.Хорлоо. Багш., өргөн шанаа (том шанаа) - Өргөн шанаа нь өтгөн хуузтай, гурвалжин хөмсөгний дороос гялалзах галтай нүд нь их л сэргэлэн. Ч.Ойдов. Их жанжин Сүхбаатар танаа., өргөн энтэй бараа (бөс барааны өргөний хэмжээ их), өргөн уудам [хоршоо] (талбайн хэмжээ их, цэлгэр) - Нурууны өвөр этгээдийн өргөн уудам хөндийн зүүн... талд буужээ. А.Дашням. Хүрэн дэлтийн хүүхэн;
2. [шилжсэн] Их, үлэмж арвин:
баярыг өргөн тэмдэглэх (тухайн баярыг олон нийтээр тэмдэглэх) -
дэлгэрэнгүй...Хүмүүс энэ баяраа өргөн тэмдэглэдэг юм. Х.Нямбуу. Хамгийн эрхэм ёсон., өргөн хүрээ (олныг хамарсан нь), өргөн далайц (тухайн зүйлийн хамрах хүрээ үлэмж их) - Залхаан цээрлүүлэх ажиллагаа явуулах шалтгийг л булаан эзлэгчдэд өгөх болно гээд өргөн далайцтай тэмцлийг бодож боловсруулав. “Цог” сэтгүүл., өргөн мэдлэг (мэдлэгийн хүрээ их, олон салбарын мэдлэгтэй) - Өргөн мэдлэгтэй хүн дээ. И.Дамбажав. Монгол үгийн дээж., өргөн олон [хоршоо] (олон түмэн), өргөн түмэн [хоршоо] (олон түмэн) - Өргөн түмний эрх ашгийг бодох ёстой. Б.Бааст. Алтайн цэцэг., өргөн навчит тайжийн жинс [ургамал] (олон наст өвс, толгойрхуу хэлбэрийн дөрвөөс зургаан сантиметр голчтой хөх цэнхэр өнгөтэй баг цэцэг үүсгэнэ, навч нь ишин дээрээ цуварч байрладаг, торлосон юм уу эсгийрхэг үслэгээр бүрхэгдсэн эгц босоо, бат бөх иштэй, голлосон бүдүүн үндэстэй, хээр, хуурай нуга, уулын хээр хайрга чулуутай хажуу, хад асгад ургадаг, бэлчээр тэжээлийн ач холбогдолтой ургамал);
3. Дэлгэрэнгүй, олон удаа:
өргөн хэрэглээний бараа (хүмүүсийн амьдрал ахуйд өдөр тутам, их хэрэглэгддэг бараа таваар),
дэлгэрэнгүй...өргөн хэрэглэгддэг үгс (их хэрэглэгддэг идэвхтэй үгс), өргөнөөр тайлбарлан таниулах (дэлгэрэнгүй тайлбарлаж таниулах).
- өргөн мөрөн - талбайн хэмжээ хөндлөөшөө уужим мөрөн
- өргөн тал - талбайн хэмжээ хөндлөн тийшээгээ уудам тал газар
- өргөн дээл - өргөөшөө уужим элбэг дээл
- өргөн магнай - магнай том
- өргөн шанаа - том шанаа
- өргөн энтэй бараа - бөс барааны өргөний хэмжээ их
- өргөн уудам - талбайн хэмжээ их, цэлгэр
- баярыг өргөн тэмдэглэх - тухайн баярыг олон нийтээр тэмдэглэх
- өргөн хүрээ - олныг хамарсан нь
- өргөн далайц - тухайн зүйлийн хамрах хүрээ үлэмж их
... үргэлжлүүлэн харах ...- өргөн мэдлэг - мэдлэгийн хүрээ их олон салбарын мэдлэгтэй
- өргөн олон - олон түмэн
- өргөн түмэн - олон түмэн
- өргөн навчит тайжийн жинс - олон наст өвс толгойрхуу хэлбэрийн дөрвөөс зургаан сантиметр голчтой хөх цэнхэр өнгөтэй баг цэцэг үүсгэнэ, навч нь ишин дээрээ цуварч байрладаг, торлосон юм уу эсгийрхэг үслэгээр бүрхэгдсэн эгц босоо, бат бөх иштэй, голлосон бүдүүн үндэстэй, хээр, хуурай нуга, уулын хээр хайрга чулуутай хажуу, хад асгад ургадаг, бэлчээр тэжээлийн ач холбогдолтой ургамал
- өргөн хэрэглээний бараа - хүмүүсийн амьдрал ахуйд өдөр тутам, их хэрэглэгддэг бараа таваар
- өргөн хэрэглэгддэг үгс - их хэрэглэгддэг идэвхтэй үгс
- өргөнөөр тайлбарлан таниулах - дэлгэрэнгүй тайлбарлаж таниулах
