1. [хуучирсан] Ангит нийгмийн эрх чөлөөгүй, эзнээс бүрэн хараат хүмүүс дэлгэрэнгүй...- Эзэн ноён муут боолын сэтгэл нь эгнэгт албаны энэлгээр зовох буй. Модны шастир., боол болох (эрх чөлөөгөө хасуулж хүний эрхэнд орох) - Хүнд ноцтой ял хийгчид боол болдог ажээ. БНМАУ-ын түүх., боолын худалдаа (боол хүмүүсийг зарж арилжих), адаг боол (адгийн муу боол; эхний боол), өтөл боол (энгийн боол), хааны боол (хаанд үйлчлэх зарц), чөлөөт боол (хэн нэгний эзэмшилгүй сул боол), унаган боол (нэг эзэнд бус аймаг омогт хамаарах уугуул боол), номхон боол (дорд зарц) - Ингэж би гамингийн зарц, тэр дундаа өнөөх өндөр цоохрын бууны аман дор явдаг номхон боол болж хувирлаа. Ж.Дамдин. Үймээний жил., манж боол [хуучирсан] (тав болон түүнээс дээш үеэрээ зарцлагдсан боол), боолын нийгэм (хүмүүс нэг нь нөгөөгийнхөө өмч болдог харилцаа бүхий нийгэм-эдийн засгийн байгуулал, боолчлол), секс боол (биеийг нь үнэлүүлэхээр худалдсан охид эмэгтэйчүүд), гэрийн боол (дайны олзны болон инжинд ирсэн, худалдагдсан, шагнагдсан боол, гэрийн ард), боол зарц [хоршоо] (эзний бүрэн өмч болж хөдөлмөр ба амь бие нь түүний мэдэлд байх хүмүүс болон амьдралын эрхшээлээр бусдад зарцлагдаж хүчин зүтгэдэг хүн), боол зардас [хоршоо] (боол зарц), боол шивэгчин [хоршоо] (эзний бүрэн өмч болж хөдөлмөр ба амь бие нь түүний мэдэлд байх хүмүүс), боолын толгойг хавтгайлавч, бөөрөнхийлэвч эзний дур [зүйр цэцэн үг] (хүнд эрх мэдлээ алдахын хор хөнөөлийг зүйрлэсэн хэллэг), боолоо болгож, борвиндоо гишгэх [зүйр цэцэн үг] (дийлэх, эзлэн эрхшээх) - Зөөлнөөр зүлгэж, уран аргаар хуурч аргандаа оруулж аваад боолоо болгож, борвиндоо гишгэх гэсэн санаа болой. В.Инжаннаши. Хөх судар., боолын боол, босгоны шороо [зүйр цэцэн үг] (дарлагдсан зарц, зарцлагдсан хүн), *боол тулга (тогоотой хөөрүүлсэн сүүний өрмийг загсаах зориулалттай гал түлдэггүй тулга) - Боол тулгыг нь булга өшиглөөд хаяхад, болсон иргийн ууц булж орхисон байв. Монгол ардын баатарлаг тууль;
2. [шилжсэн] Биеэ хөнгөмсөглөн даруу зан гаргаж, бусдыг хүндлэхэд хэлэх үг:
боол миний бие (дорд миний бие),
дэлгэрэнгүй...муу боол (дорд хүн), өчүүхэн боол (мөхөс өчүүхэн боол), шавь боол (мөхөс өчүүхэн шавь) - Тодорхой мэдээ бүхий тул шавь боол Сүхбаатар миний бие цэрэг авч дайлаар мордож муу хулгай нарыг тосон хядан арилгажээ. Г.Пүрэв нар. Д.Сүхбаатарын үйл амьдралтай холбогдох баримтат материалын эмхэтгэл;
3. [шилжсэн] Мэдлэг сул дорой, мэдлэг муутай:
техникийн боол (техникийн мэдлэг муутай)
дэлгэрэнгүй...- Техникийн боол болсон нөхөр дүрэм горимгүй явж байгаад осолдов. Д.Цэдэв. Айргийн амт;
4. Хөзөр тоглоход аравт, түүнээс дооших модыг дарах хүний дүрст мод.
