ТАЧИГНАХ  

1. Тас няс хийн дуугарах: бууны замаг тачигнах (бууны замаг тас няс хийх дуу хадаах) - дэлгэрэнгүй...Гадаа бууны замаг тачигнав. С.Дашдэндэв. Улаан наран., тэнгэр тачигнах (тэнгэр дуугарах), тачигнатал инээх (маш чангаар инээх) - Ахлагч, тохуутай мишээлээ улам тодруулсаар сүүлдээ бүр тачигнатал хөхөрч өвдгөө алгадав. Б.Нямаа. Арандалынхан., морин туурай тачигнах (морин туурайн чимээ гарах) - Морьдын туурай тачигнан шороо цас хаялсаар тэр хоёр далд оров. Ч.Ойдов. Их жанжин Сүхбаатар танаа., нажигнах тачигнах [хоршоо] (үргэлжилсэн их дуу чимээ гарах);

---

2. Ихэд хүйтрэх - дэлгэрэнгүй...Доржийг нийслэлд ирсэн тэр өглөө жавар тачигнан нүүр хайрч чимчгэнүүлэх авч салхигүйгээс хотын гудамжид уур манан тунан тогтож харанхуйлав. С.Лочин. Сэтгэлийн өнгө., тачигнатал хүйтрэх (маш их хүйтрэх);

---

3. [шилжсэн] Хашхиран уурлаж загнах - Өгсөн үүрэг биелүүлэхгүй гэж дарга тачигнаж мэднэ гээд дургүйцэв. Т.Рэнцэн. Шинэ даваа.

---

• бууны замаг тачигнах - бууны замаг тас няс хийх дуу хадаах
• тэнгэр тачигнах - тэнгэр дуугарах
• тачигнатал инээх - маш чангаар инээх
• морин туурай тачигнах - морин туурайн чимээ гарах
• нажигнах тачигнах - үргэлжилсэн их дуу чимээ гарах
• тачигнатал хүйтрэх - маш их хүйтрэх

Холбогдох зураг одоогоор алга байна.