1. Хошуу охор, толгой дээрээ улаан сэчигтэй, нисэж чаддаггүй, гэрийн тэжээвэр шувуу: тахианы мах (өд дэлгэрэнгүй...сөдийг зумлаж авсан тахианы мах), тахианы өндөг (тахианы гадуураа хальс бүхий зууван хэлбэртэй үр хөврөл), тахианы шөл (тахианы махаар хийсэн шөл), азарган тахиа (эр тахиа), шарсан тахиа (тахианы махыг шарж болгосон нь), тахианы өндөгний зоог боорцог (тутарга амууны гурилд тахианы өндөг, бал, чихэр хоршиж, хушганы цөмийн идээ хийгээд гахайн тосонд буцалгасан идээ), тахианы хонуур ~ тахианы үүр (тахианы хоноглох газар), тахианы холер (тахианаас гаралтай нэг зүйл халдварт өвчин), тахианы хижиг (хавар, намрын цагт олонтоо тохиолддог тахианы нэг зүйл халдварт өвчин), тахиа хоноглох (а. Тахиа хонууртаа суух; б. [шилжсэн] Орой болох), тахиа хоноглуулах (тахиаг хонуурт нь суулгах), тахиа дуугарвал үүр цайх хэдий удах вэ, тавь хүрвэл үхэх цаг нь хэдий удах вэ (залуу нас богино, хий дэмий бүү өнгөрүүл гэсэн санаа), тахиа хулгайлсан хүн адуу хулгайлдаг [зүйр цэцэн үг] (хулгай багаас эхэлдэг гэсэн санаа), тахианы үнэ үнэгэнд хамаагүй, тарианы үнэ шувуунд хамаагүй [зүйр цэцэн үг] (юм эвдэн сүйтгэж байхад түүний үнэ цэнэ хамаагүй гэсэн санаа);
2. Сарны зурхайн ёсны арван хоёр эрхтний аравдугаар нь:
тахиа жил (билгийн тооллын аравдугаар жил) -
дэлгэрэнгүй...Тэндээс Чингис хаан буцах замдаа Ирчис мөрөнд зусаж тахиа жилийн намар Туул голын хар шугуйд их ордоо засаж буув. Монголын нууц товчоо., тахиа сар (намрын дунд сар), тахиа цаг (оройн нар шингэх 17.40-19.40 цаг) - Зурхайчийн заасан тахиа цаг болоход Мандхай гэрээс гарч ирэв. Ш.Нацагдорж. Мандхай цэцэн хатан., тахиа цэцэг [ургамал] (а. Өвсөн иштэй, ишийн үзүүрт тахианы сэчиг адил цэцэг цэцэглэдэг, сарвалж ногооны адил навчтай, янз бүрийн өнгөтэй ургамал; б. Тахианы толгой дээр ургасан улаан цэцэг мэт зүйл), тахиан толгойн лянхуа [ургамал] (бүх бие нь өргөстэй, дугариг навч нь лянхуа шиг усан дээр хөвж ургадаг нуур цөөрмийн өвслөг ургамал, үрийг идэж болно), тахиан гарди [амьтан] (гардийн өөр нэр, янз том тахиатай адил), чулууч тахиа [амьтан] (далайн усны долгилох бүрд дуугардаг тахиа).
