Аймгийн дараах засаг захиргааны нэгж - Чамайг цэрэгт мордсоноос хойш Гүнсэн сумын дарга болсон шүү дээ гэж. дэлгэрэнгүй...С.Дашдэндэв. Үүрийн цолмон., сумын захиргаа (а. Сумын засаг захиргааны байгууллага; б. Сумын засаг захиргаа байрлах байшин) - Би явъя даа гэж хэлээд, сумын захиргаан дээрээс гарч сургууль руугаа явав. П.Хорлоо. Багш., сумын зарлага (сумын албан ажилд зарагдах хүн) - Өвгөн Очир гуайнд ингэж хэд хонож байтал сумын зарлага нэг тамгатай бичиг авчирчээ. С.Удвал. Та бид уулзана., сумын наадам (сумын нийт иргэд хамтран тэмдэглэх үндэсний баяр) - Өлзиймаатай миний дөрөө харшуулан явсан сумын наадмын жаргалтай өдрүүд нэг мэдэхэд өнгөрч оюутнууд буцах боллоо. Б.Догмид. Цэнхэрлэн харагдана., сумын сургууль (сумын иргэдийн үр хүүхэд суралцах сургууль) - Тэр хашаанд байгаа жижиг гэрт Тариат сумын бага сургуульд байсан жаал хүү, эмгэн хоёроос өөр сэжиглэхээр хүн байхгүй ажээ. Ц.Уламбаяр. Зовлон жаргал., сумын төв (сумын захиргаа, эмнэлэг, сургууль үйлчилгээ төвлөрсөн суурин) - За тэгээд буцах замдаа орж шуудран давхисаар Асгат хэмээх сумын төв дээр ирлээ. С.Эрдэнэ. Малын хөлийн тоос., сумын харьяат (суманд нэр данстай хүн) - Уг тоот бичигт өгүүлсэн Булган аймгийн Сэлэнгэ сумын харьяат Доржийн Намсрай... байлаа. Д.Дожоодорж. Зүүний сүвэгч., сумын хоршоо (сумын дэлгүүр), сумын эмнэлэг (сумын иргэдэд үйлчлэх, эмчлэх газар) - Сумын эмнэлэгт эмчлүүлж байгаад гарсан. П.Хорлоо. Багш., сумын эмч (сумын эмнэлэгт ажилладаг эмч) - Суурь угтан гарахад машинаас сумын их эмч Чойжил, жолооч Дунгар хоёр гарч ирэв. С.Удвал. Та бид уулзана., сумын занги [хуучирсан] (сумыг захирагчийн албан тушаал, сумын дарга) - Харин нэг сумын занги хэл өгүүлжээ айлд зарагдаад явж байна гэнэ. С.Удвал. Их хувь заяа., сумын хамжлага [хуучирсан] (суманд харьяалагдах ард иргэд), сум нэгдэл [хоршоо] (монгол улсын засаг захиргааны нэгж болон хөдөлмөрөөрөө нэгдсэн малчин ардууд) - Мэдээжийн хэрэг, сум нэгдэл хавьд яаж ч олигтой бэлчээр байх билээ. Б.Бааст. Алтайн хөх дөнөн., аймаг сум [хоршоо] (Монгол улсын засаг захиргааны үндсэн нэгж) - Гэр орондоо хэнтэйгээ байдаг, аль аймаг сум болохоо хүртэл ярилцаж амжив. Ц.Уламбаяр. Зовлон жаргал.
Ижил үг
