СААДАГ I  

1. Нумны сумыг дүрж зүүх ширэн сав - дэлгэрэнгүй...Саадагнаасаа сумаа суга татаад... дайсны зүг харвав. Б.Ринчен. Гүнж., саадгийн бүслүүр~саадгийн бүслүүрэг (нум, сум зүүх савны оосор), саадгийн овд (саадагны амсарт арьс, эсгийгээр зааглан хийсэн зэв, сум дүрэх нүх), саадгийн этгээд (саадаг зүүх тал, баруун тал), саадаг агсах~саадаг зүүх~саадаг бүслэх (сумыг зориулалтын саванд нь хийж бүслэх) - Хүргэн саадаг агссан, буу үүрч явна. ААЗ., саадаг хоромсого [хоршоо] (нум сумаа дүрж, агуулах сав) - Нум сумаа барьсаар, саадаг хоромсогоо дэрлэсээр, ясаа хээр орхихоос, эрхэм сайн үхэл, эр хүнд байх буюу. Монголын нууц товчоо., саадагтай нум нь салхинд гаждаг, сайн хүний үр нь санаанаасаа гаждаггүй [зүйр цэцэн үг] (эд зүйл сайн хэдий ч эвдэрч хэмхэрдэг бол сайн хүний сэтгэл санаа хувирдаггүй гэсэн санаа), санасан хүний сэтгэл нь нэг, саадаг нумын хөвч нь нэг [зүйр цэцэн үг] (бие биенээ санаж буй хүмүүсийн сэтгэл адилхан байдаг гэсэн санаа);

---

2. [шилжсэн] Бэр буулгахаар хүргэний хамт явах хүмүүс: саадаг мордох (бэр буулгахаар явах), саадаг дагах (хуримын дэлгэрэнгүй...үед хүргэнтэй нас ойролцоо залуу эрс хамт мөргөл үйлдэн ёс гүйцэтгэх); саадаг буух [хуучирсан] (бэр буулгахаар хүмүүс ирэх); саадагт мордох~саадагт явах [хуучирсан] (монгол хуримын ёсонд бэр буулгах өдөр хүргэн хүү саадаг нум агсан хэдэн хүний хамтаар хүүхний талд очих).

---

• саадгийн бүслүүр~саадгийн бүслүүрэг - нум, сум зүүх савны оосор
• саадгийн овд - саадагны амсарт арьс, эсгийгээр зааглан хийсэн зэв, сум дүрэх нүх
• саадгийн этгээд - саадаг зүүх тал, баруун тал
• саадаг агсах~саадаг зүүх~саадаг бүслэх - сумыг зориулалтын саванд нь хийж бүслэх
• саадаг хоромсого - нум сумаа дүрж, агуулах сав
• саадагтай нум нь салхинд гаждаг, сайн хүний үр нь санаанаасаа гаждаггүй - эд зүйл сайн хэдий ч эвдэрч хэмхэрдэг бол сайн хүний сэтгэл санаа хувирдаггүй гэсэн санаа
• санасан хүний сэтгэл нь нэг, саадаг нумын хөвч нь нэг - бие биенээ санаж буй хүмүүсийн сэтгэл адилхан байдаг гэсэн санаа
• саадаг мордох - бэр буулгахаар явах
• саадаг дагах - хуримын үед хүргэнтэй нас ойролцоо залуу эрс хамт мөргөл үйлдэн ёс гүйцэтгэх
• саадаг буух - бэр буулгахаар хүмүүс ирэх
... үргэлжлүүлэн харах ...
саадагт мордох~саадагт явах - монгол хуримын ёсонд бэр буулгах өдөр хүргэн хүү саадаг нум агсан хэдэн хүний хамтаар хүүхний талд очих

---

Ижил үг

СААДАГ II:

Холбогдох зураг одоогоор алга байна.