1. Аливаа үйл хийхэд чухал хэрэглээтэй хэрэгсэл: галт зэвсэг (дарь, шатагч хольц, хийн даралтын дэлгэрэнгүй...хүчийг ашигласан буу, сум, бөмбөг), халуун зэвсэг (төрөл бүрийн галт зэвсэг, буу, сумны зүйл) - Гэтэл чамд халуун зэвсэг байсан болохоор аргагүй барилаа. С.Дашдэндэв. Улаан наран., хүйтэн зэвсэг (байлдаан, аллагад ашиглах сэлэм, жад, хутга шөвөг зэрэг хэрэгсэл) - Хүйтэн зэвсэг барьж явах залуучууд олширлоо. “Нүгэл буян” сонин., цөмийн зэвсэг (атом устөрөгчөөр цэнэглэж хийсэн зэвсэг) - Номхон далайн районд цөмийн зэвсэг туршихыг хориглоно. “Үнэн” сонин., зэвсэг хөдөлгөх (зөрчил маргаан ширүүсэж зэвсгээр сүр үзүүлэх), зэвсэг хураах (а. Бууж өгөгсдийн зэвсгийг олзлон авах; б. Алалдаан тулалдаанаа зогсоох; в. Цэрэг зэвсэглэлээ хорогдуулах), зэвсгээ хураалгах (багаж зэвсгээ өөр этгээдэд өгөх) - Гамингууд зэвсгээ хураалгаад бууж өгсөн юм. БНМАУ-ын түүх., багаж зэвсэг [хоршоо] (ажил хөдөлмөрийн багаж хэрэгсэл) - Багаж зэвсгээ бариад барилдан тулалдахад бэлтгэе. Д.Нацагдорж. Түүвэр зохиол., буу зэвсэг [хоршоо] (галт зэвсгийн ерөнхий нэр), зэр зэвсэг [хоршоо] (байлдааны хэрэглэл, тулалдах хэрэгсэл сэлт) - Зэр зэвсэг бол эр хүний цог жавхланг бадраана. Ж.Дамдин. Үймээний жил., зэвсэг техник [хоршоо] (цэрэг армийн үйл ажиллагаанд ашиглах янз бүрийн байлдааны хэрэглэл), эр цэрэг зэр зэвсэг (цэрэг арми);
2. Аливаа үйл ажилд хэрэглэх багаж хэрэглэл:
төмөр зэвсэг (эртний хүмүүсийн төмрөөр хийсэн хөдөлмөрийн багаж),
дэлгэрэнгүй...үзэл суртлын зэвсэг (үзэл суртлын хэрэглэгдэхүүн), хөгжмийн зэвсэг (бүх төрлийн хөгжмийн зэмсэг), хүрэл зэвсэг (эртний хүмүүсийн хүрлээр хийсэн хөдөлмөрийн багаж), чулуун зэвсэг (эрт цагт хүмүүсийн хэрэглэж байсан чулуугаар хийсэн хөдөлмөрийн багаж зэвсэг), хуучин чулуун зэвсэг (чулуун зэвсгийн түрүү үед ашиглагдаж байсан багаж хэрэглэгдэхүүн, дурсгалт эд өлгийн зүйлс), шинэ чулуун зэвсэг (чулуун зэвсгийн дэвшингүй сүүл үеийн дурсгал), зэвсэг нэгтэй нөхөд (мэргэжил, ажил төрлийн хувьд адил хүмүүс), багаж зэвсэг [хоршоо] (ажил хөдөлмөрийн хэрэглэл), сав зэвсэг [хоршоо] (ажил үйлд хэрэглэгдэх сав суулга сэлт).
- галт зэвсэг - дарь, шатагч хольц, хийн даралтын хүчийг ашигласан буу, сум, бөмбөг
- халуун зэвсэг - төрөл бүрийн галт зэвсэг, буу, сумны зүйл
- хүйтэн зэвсэг - байлдаан, аллагад ашиглах сэлэм, жад, хутга шөвөг зэрэг хэрэгсэл
- цөмийн зэвсэг - атом устөрөгчөөр цэнэглэж хийсэн зэвсэг
- зэвсэг хөдөлгөх - зөрчил маргаан ширүүсэж зэвсгээр сүр үзүүлэх
- зэвсэг хураах - а. Бууж өгөгсдийн зэвсгийг олзлон авах; б. Алалдаан тулалдаанаа зогсоох; в. Цэрэг зэвсэглэлээ хорогдуулах
- зэвсгээ хураалгах - багаж зэвсгээ өөр этгээдэд өгөх
- багаж зэвсэг - ажил хөдөлмөрийн багаж хэрэгсэл
- буу зэвсэг - галт зэвсгийн ерөнхий нэр
- зэр зэвсэг - байлдааны хэрэглэл, тулалдах хэрэгсэл сэлт
... үргэлжлүүлэн харах ...
